پی ڈی ایم اے پنجاب کے مطابق مون سون بارشوں کا چوتھا سلسلہ کل سے شروع ہو گا 20 سے 25 جولائی کے دوران پنجاب کے بیشتر اضلاع میں بارشوں اور آندھی کی پیشگوئی ہے.
پی ڈی ایم اے پنجاب کا کہنا ہے کہ راولپنڈی مری گلیات اٹک چکوال منڈی بہاؤالدین حافظ آباد گجرات جہلم اور گجرانوالہ میں بارشوں کی پیشگوئی لاہور فیصل آباد سیالکوٹ نارووال ٹوبہ ٹیک سنگھ جھنگ سرگودھا اور میانوالی میں بھی بارشیں متوقع ہیں ڈیرہ غازی خان بہاولپور بہاولنگر اور ملتان میں بھی بارشوں کی پیشگوئی ہے وزیر اعلیٰ پنجاب کی ہدایات کے مطابق صوبے بھر کی انتظامیہ کو الرٹ جاری کر دیا گیا ہے ۔مون سون بارشوں کے باعث پنجاب کے دریاؤں و ندی نالوں میں پانی کے بہاؤ میں اضافے کا خدشہ ہے ۔دریائے سندھ میں تربیلا اور کالا باغ کے مقام پر نچلے درجے کا سیلاب ہے دریائے سندھ میں چشمہ کے مقام پر درمیانے درجے کا سیلاب ہے۔دریائے سندھ میں چشمہ کے مقام پر پانی کے بہاؤ میں اضافہ ہو رہا ہے چشمہ کے مقام پر اونچے درجے کے سیلاب کا خدشہ ہے انتظامیہ کو الرٹ جاری کردیا گیا ہے 21 جولائی سے دریائے راوی جہلم ستلج اور جناب کے بہاؤ میں اضافے کا پر ی الرٹ جاری کر دیا گیا ہے دریاؤں کے بالائی علاقوں میں مون سون بارشوں کے باعث پانی کے بہاؤ میں غیر معمولی اضافے کا خدشہ ہے شہریوں سے گزارش ہے کہ موسمی صورتحال کے پیش نظر احتیاطی تدابیر اختیار کریں رواں سال مون سون سیزن مختلف حادثات میں 123 شہری جانبحق 462 زخمی ہوئے اور 150 عمارتوں کو نقصان پہنچا اموات آسمانی بجلی گرنے کرنٹ لگنے نہاتے ہوئے ڈوبنے اور مخدوش و بوسیدہ مکانات گرنے کے باعث ہوئیں حکومت پنجاب کی پالیسی کے مطابق شہریوں کے نقصانات کا ازالہ کیا جائے گا۔
