سینٸرصوباٸی وزیرمریم اورنگزیب نے کہا کہ وزیراعلیٰ پنجاب مریم نواز شریف کی خصوصی ہدایت پر محکمہ تحفظ ماحول (EPA) نے فضائی نگرانی فورس کے ذریعے پرندوں کے پنجروں اور گھونسلوں کی مکمل ای-میپنگ دو روز میں مکمل کرنے کا فیصلہ کر لیا ہے۔
جدید ٹیکنالوجی کے استعمال سے لاہور سمیت حساس علاقوں میں پرندوں کے گھونسلوں کی نشاندہی کا عمل تیزی سے جاری ہے۔ ایریئل سرویلنس اسکواڈ کے ذریعے ہوائی نگرانی اور ویڈیو ریکارڈنگ کی جا رہی ہے، جس میں تمام غیرمحفوظ گھونسلوں کی لوکیشنز ڈیجیٹل نقشوں پر محفوظ کی جا رہی ہیں۔اگر فضائی حادثات کے خطرات بڑھتے نظر آئے تو فوری طور پر "ڈینیٹنگ” یعنی گھونسلوں کی صفائی کا آپریشن شروع کر دیا جائے گا۔محکمہ ماحولیات کی جانب سے ہوائی اڈوں اور حساس علاقوں میں پرندوں کے خطرات پر قابو پانے کے لیے ہمہ وقت تیز رفتار حکمت عملی تیار ہے۔ڈینیٹنگ رپورٹ 24 جولائی کے مطابق محفوظ گیریژن اور حربنس پورہ رنگ روڈ کے قریب EPA اسکواڈ کی کامیاب کارروائی کے دوران 20 چیلوں اور 30 کووں کے گھونسلے مکمل طور پر ہٹا دیے گئے۔ متعلقہ علاقے کو کلیئر قرار دے دیا گیا ہے۔سینئر وزیر کا کہنا ہے کہ پرندوں کے گھونسلے ہوائی جہازوں کے لیے بڑا خطرہ بن سکتے ہیں۔ عوام سے گزارش ہے کہ چھتوں یا کھلی جگہوں پر دانہ ڈالنے سے گریز کریں۔سینٸرصوباٸی وزیر کا کہنا ہے کہ فضائی تحفظ کو یقینی بنانے کے لیے شہریوں کو اپنی ذمہ داری کا مظاہرہ کرنا ہوگا، ورنہ خلاف ورزی پر کارروائی کی جائے گی۔ائیرپورٹس کے اطراف پرندوں سے ممکنہ حادثات کی روک تھام کے لیے ضلعی انتظامیہ کی جانب سے مربوط کریک ڈاؤن جاری ہے۔ بیڈن روڈ اور گلشن پارک میں پانچ کامیاب کارروائیوں کے دوران کبوتروں کے پنجرے ہٹا دیے گئے، جبکہ پرندوں کی رہائش کے تمام ممکنہ ذرائع بھی ختم کیے جا رہے ہیں۔نشاط کالونی اور اربا بازار میں کھلی جگہوں پر قائم پولٹری اور گوشت کی دکانوں کے خلاف کارروائی کی گئی۔ 4 دکانوں کو چالان کر کے فوری طور پر بند کر دیا گیا۔عوام سے اپیل کی گئی ہے کہ صدقہ یا بچا ہوا گوشت کھلی جگہوں پر پھینکنے سے پرندے جمع ہو جاتے ہیں جو فضائی حادثات کا سبب بن سکتے ہیں۔ ایسی سرگرمیوں سے گریز کیا جائے۔
شادی ہالز اور ریسٹورنٹس میں خوراک کے فضلے کی ڈمپنگ پر انسپیکشن کی گئی، 3 مقامات پر قواعد کی خلاف ورزی پر نوٹسز جاری کیے گئے۔خورشید عالم روڈ پر درختوں کی غیر ضروری شاخیں کاٹ کر گھونسلے ہٹا دیے گئے، تاکہ پرندوں کی آبادی کو روکا جا سکے۔جاوید چیمہ چوک، زرار شہید روڈ اور جوڑی پل سے کچرا ہٹا دیا گیا۔ حکام کے مطابق کھلی فضا میں موجود فضلہ پرندوں کی آمد کا ایک بڑا سبب بنتا ہے۔
دھرم پورہ تا جلو اور کنال روڈ پر صدقہ گوشت بیچنے والوں کی نشاندہی کی گئی، مقامی دکانداروں کو ضوابط کی پابندی کی ہدایت جاری کی گئی ہے اور نگرانی کو مزید سخت کر دیا گیا ہے۔سینئر وزیر مریم اورنگزیب نے کہا کہ لاہور کی وائلڈ لائف ٹیم اب محفوظ گیریژن اور حربنس پورہ رنگ روڈ کی جانب روانہ ہو چکی ہے۔ پرندوں کی افزائش روکنے کے لیے اگلا مرحلہ وار آپریشن بھی مکمل طور پر تیار ہے۔
