پی ڈی ایم اے پنجاب/ مون سون فلڈ فیکٹ شیٹ

وزیر اعلیٰ پنجاب کی ہدایات کے پیشِ نظر پی ڈی ایم اے پنجاب کی مون سون فلڈ کی صورتحال بارے فیکٹ شیٹ جاری کردی۔

گزشتہ 24 گھنٹوں میں میانوالی 85، چکوال 76، ڈیرہ غازی خان 62، جہلم 45، نارووال 42، بھکر 38 اور منگلا میں 35 ملی میٹر تک بارش ریکارڈ کی گئی۔ترجمان پی ڈی ایم اے کا کہنا ہے کہ پہاڑی علاقوں میں بارش کے باعث خوشاب موہار ہل ٹورنٹ میں طغیانی کی صورتحال ہے۔پیشگی الرٹس کے باعث موہار ہل ٹورنٹ طغیانی کے باعث کو یہ جانی نقصان رپورٹ نہیں ہوا نور پور تھل، لیہ، منڈی بہاوالدین، اٹک، مری، جھنگ، راولپنڈی اور سرگودھا میں بھی بارش ریکارڈ ہوئی۔آئندہ 24 گھنٹوں میں پنجاب کے بیشتر اضلاع میں شدید بارشوں کی پیشگوئی ہے ۔بالائی پنجاب کے اضلاع میں طوفانی بارشوں اور کلاؤڈ برسٹنگ کے خدشات ہیں۔مون سون بارشوں کا ساتواں اسپیل قدرے زیادہ مضبوط ہے طوفانی بارشوں کی پیشگوئی ہے ڈی جی پی ڈی ایم اے پنجاب عرفان علی کاٹھیا کی انتظامیہ کو ہائی الرٹ رہنے کی ہدایات کی ہیں ڈی جی کا کہنا ہے کہ ولنرایبل اضلاع کو ہائی الرٹ رہنے کی ہدایات جاری کر دی گئی ہیں۔دریائے سندھ میں تربیلا، کالاباغ، چشمہ اور تونسہ کے مقام پر درمیانے درجے کی سیلابی صورتحال ہے۔ دریائے ستلج میں گنڈا سنگھ والا اور سلیمانکی کے مقام پر نچلے درجے کا سیلاب ہے۔دریائے راوی میں جسر کے مقام پر نچلے درجے کی سیلابی صورتحال ہے۔دریائے چناب اور جہلم میں پانی کا بہاؤ نارمل سطح پر ہے۔رودکوہیوں اور بڑے دریاؤں سے ملحقہ ندی نالوں میں بھی پانی کا بہاؤ نارمل سطح پر ہے۔تربیلا ڈیم 97 فیصد جبکہ منگلا ڈیم 71 فیصد تک بھر چکاہے۔بھارتی ڈیمز میں پانی کی سطح 70 فیصد تک ہے۔شہریوں سے گزارش ہے کہ موسم برسات میں احتیاطی تدابیر اختیار کریں۔بارشوں کے دوران ریسکیو و ریلیف ادارے فیلڈ میں موجود رہیں۔بچوں کا خیال رکھیں انہیں برساتی نالوں نشیبی علاقوں دریاؤں اور نہروں میں ہرگز مت نہانے دیں۔گزشتہ 24 گھنٹوں میں پنجاب میں مون سون بارشوں کے باعث کوئی جانی و مالی نقصان رپورٹ نہیں ہوا ۔رواں سال 164 شہری جانبحق، 582 شہری زخمی 216 گھر متاثر اور 121 مویشی ہلاک ہوئے ۔وزیر اعلیٰ پنجاب کی ہدایات کے پیشِ نظر متاثرہ فیملیز کو مالی معاونت فراہم کی جا رہی ہے۔