پنجاب میں بلدیاتی انتخابات کی تیاریاں۔پنجاب میں مجوزہ بلدیاتی قانون کیلئے بڑی تبدیلیوں کو حتمی شکل دینے کی تیاری شروع کردی گئی
پنجاب میں ضلع کی سطح پر قائم ہونے والی اتھارٹی کے چیرمین ڈپٹی کمشنر کی جگہ عوامی نمائندے ہوں گے۔ذرائع کے مطابق مجوزہ بلدیاتی قانون میں خواتین اور اقلیتی نمائندوں کے انتخاب براہ راست کرنے کی تجویز۔تجاویز بلدیاتی انتخابات کیلئے مجوزہ قانون کا جائزہ لیے کیلئے قائمہ کمیٹی برائے بلدیات کے اجلاس میں سامنے آئی.پنجاب اسمبلی میں ہونے والے اجلاس کی صدارت قائمہ کمیٹی برائے بلدیات کے چیرمین پیر اشرف رسول نے کی۔اجلاس میں تجویز دی گئی کہ بلدیاتی انتخاب میں حصہ لینے والے اقلیتی نمائندگان کا انتخاب براہ راست کیا جائے تجویز حکومتی رکن صوبائی اسمبلی اور چیرمین قائمہ کمیٹی برائے اقلیتی امور فیلبوس کرسٹوفر نے پیش کی۔اجلاس میں یہ بھی تجویز دی گئی کہ اقلیتی نمائندوں کے براہ راست انتخاب سے عوامی مسائل فوری حل کرنے ساتھ حقیقی قیادت سامنے آئے گی ذرائع کے مطابق بلدیات کی قائمہ کمیٹی کے اجلاس میں تجویز کثرت رائے سے منظور کرلی گئی۔بلدیاتی انتخابات کے انعقاد کے لیے مجوزہ قانون قائمہ کمیٹی کو بھجوایا گیا تھا۔فلبوس کرسٹوفر کا کہنا تھا کہ اقلیتی نمائندگان کے براہ راست انتخاب کیلئے صوبائی اسمبلی میں پہلے ہی اتفاق رائے موجود ہے۔قائمہ کمیٹی برائے بلدیات مجوزہ قانون کے حوالے سے آئندہ اجلاس میں حتمی رپورٹ منظوری کیلئے پیش کرے گی۔
