ممبئی: جیتندر تعزیتی تقریب میں سیڑھیوں سے گر گئے

بالی وڈ کے سینئر اداکار جیتندر معمولی حادثے کا شکار ہو گئے جب وہ مرحومہ اداکارہ زرین خان کی تعزیتی تقریب میں شرکت کے لیے ممبئی پہنچے۔

عینی شاہدین کے مطابق، جیتندر گاڑی سے اتر کر تقریب میں داخل ہو رہے تھے کہ اچانک ان کا توازن بگڑ گیا اور وہ سیڑھیوں سے گر پڑے۔ تاہم، وہاں موجود افراد نے فوری طور پر ان کی مدد کی اور وہ جلد ہی سنبھل گئے۔

واقعے کے بعد ان کے مداحوں نے سوشل میڈیا پر اپنی تشویش کا اظہار کیا۔

زرین خان 7 نومبر کو ممبئی میں طویل علالت کے بعد 81 سال کی عمر میں انتقال کر گئیں۔ ان کی تعزیتی تقریب میں بالی وڈ کی کئی شخصیات نے شرکت کی، جن میں رانی مکھرجی، ریتھک روشن، صبا آزاد، علی گوئی اور جیسمین بھاسن شامل تھیں۔

زرین خان کے سوگواروں میں ان کے شوہر سنجے خان اور بچے سوزین خان، سیمون اروڑا، فرح علی خان اور زید خان شامل ہیں۔