ہیوسٹن: پاکستان کی سپر اسٹار اداکارہ مہوش حیات کی ایک ویڈیو سوشل میڈیا پر وائرل ہو گئی، جس میں انہوں نے پاکستان کے مقبول اداکار ہمایوں سعید کو سب سے زیادہ “فلرٹ ریٹ” دینے کا اعلان کیا۔
مہوش حیات اس وقت پاکستان سلیبرٹی کرکٹ لیگ (PCCL) میں شرکت کے لیے ٹیکساس کے شہر ہیوسٹن میں موجود ہیں۔ مداحوں سے گفتگو کے دوران اداکارہ نے بتایا کہ ہمایوں سعید کی نیچر کو فلرٹ نہیں کہا جا سکتا، بلکہ وہ ایک دوستانہ اور مزاح سے بھرپور شخصیت کے مالک ہیں۔ مہوش نے بتایا کہ ڈائریکٹر ندیم بیگ کے ساتھ کام کے دوران ایک مزاحیہ ٹرائی اینگل چلتا رہتا ہے کہ کون زیادہ نزدیک ہے، لیکن سب کے درمیان صرف دوستی اور پروفیشنل تعلقات ہیں۔
جاری سوالات کے دوران، جب ندا یاسر نے مہوش سے فلرٹ ریٹ کے حوالے سے سوال کیا کہ ہمایوں سعید، فہد مصطفیٰ، اظفر رحمان اور احسن خان میں سب سے پہلے کس کا نام رکھیں گی، تو مہوش نے دلچسپ انداز میں جواب دیا:
• سرفہرست ہمایوں سعید
• دوسرا نمبر احسن خان
• تیسرا نمبر فہد مصطفیٰ
• اظفر رحمان کے ساتھ فلرٹ کا کوئی سین نہیں
اسی دوران، مداحوں سے پوچھا گیا کہ مہوش کو کھانے میں سب سے زیادہ کیا پسند ہے، جس پر ایک خاتون مداح نے بریانی کا نام لیا۔ مہوش نے ہنستے ہوئے کہا کہ یہ جواب دینے والی واقعی ان کی سچی مداح ہیں۔
ویڈیو وائرل ہونے کے بعد مداح مہوش حیات کے مزاحیہ اور دوستانہ رویے کی تعریف کر رہے ہیں.