اپنی ذات کے ساتھ کچھ وقت تنہا گزارنا ذہنی صحت کے لیے ضروری قرار

آج کے تیز رفتار معاشرے میں، محض تھوڑی دیر کا تنہا وقفہ ذہنی اور جسمانی طور پر فائدہ مند ثابت ہو سکتا ہے۔

اوہایو اسٹیٹ یونیورسٹی ویکسنر میڈیکل سینٹر جانب سے کیے جانے والے قومی سروے کے مطابق تقریباً نصف یعنی 46 فیصدامریکیوں کا کہنا ہے کہ انہیں تعطیلات کے دوران وہ تنہا وقت نہیں ملتا جس کی انہیں ضرورت ہے۔

اس کے علاوہ، سروے میں شامل 56 فیصد لوگوں نے کہا کہ ذہنی صحت کے لیے مناسب تنہا وقت گزارنا بہت ضروری ہے۔

 اوہایو اسٹیٹ کی ایک نیوز ریلیز میں کلینیکل سائیکالوجسٹ سوفی لازاروس نے کہا کہ تنہا کچھ لمحے گزار کر ہمارا اعصابی نظام، دماغ بلکہ جسم سکون پا سکتا ہے، جسم کے ساتھ دماغی سکون مجموعی صحت کے لیے نہایت ضروری ہے، اس کی وجہ یہ ہے کہ مسلسل دباؤ صحت کے لیے اچھا نہیں ہے۔

ایسے تمام افراد جو پورے ہفتے بہت زیادہ مصروف رہتے ہیں کام کے دباؤ کا سامنا کرتے ہیں اپنی ذات کے لیے تھوڑا سا ذاتی وقت نکالنا چاہتے ہیں تو وہ اپنی روٹین میں معمولی تبدیلیاں کر کے اسے حاصل کر سکتے ہیں۔

جب بھی آپ یہ چاہیں کہ ایک ایسا لمحہ ہو جس میں اپنے ساتھ آپ خود ہوتو کوشش کریں کہ فون کو کسی دوسرے کمرے میں رکھیں کیونکہ اس طرح یہ آپ کی توجہ میں خلل کا سبب بن سکتا ہے، ضروری نہیں کہ آپ اس کے لیے زیادہ وقت نکالیں بلکہ چند منٹ کی یکسوئی بھی کافی ہے۔

اس کا مطلب ہرگز یہ نہیں ہے کہ آپ خود غرض ہیں بلکہ آپ صرف کچھ وقت کےلیے اپنے آپ کو ترجیح دیں رہیں ہیں۔

واضح رہے کہ اس سروے میں  4 سے 7 اکتوبر تک 1,004 افراد نے حصہ لیا۔