بیجنگ: جون کے اختتام تک چین کے زرمبادلہ کے ذخائر 33 کھرب 17 ارب 40 کروڑ ڈالر تک پہنچ گئے۔
خبررساں ایجنسی اے پی پی کے مطابق چائنا گلوبل ٹیلی ویژن نیٹ ورک (سی جی ٹی این) نے چین کی اسٹیٹ ایڈمنسٹریشن آف فارن ایکسچینج کے اعداد و شمار کے حوالے سے بتایا ہے کہ جون 2025 کے اختتام تک چین کے زرمبادلہ کے ذخائر 3.3174 ٹریلین امریکی ڈالر تک جا پہنچے ہیں جو مئی کے اختتام سے 32.2 ارب ڈالر یا 0.98 فیصد اضافہ ہے۔
جون میں بڑی معیشتوں کی میکرو پالیسیوں، معاشی ترقی کے امکانات اور دیگر عوامل کی وجہ سے امریکی ڈالر انڈیکس گرا اور عالمی مالیاتی اثاثوں کی قیمتوں میں مجموعی طور پر اضافہ ہوا۔
چین کی اسٹیٹ ایڈمنسٹریشن آف فارن ایکسچینج کے مطابق چین کی معیشت مسلسل ترقی کر رہی ہے اور ترقی کی اچھی رفتار کو برقرار رکھے ہوئے ہے جو غیر ملکی زرمبادلہ کے ذخائر کے استحکام کو برقرار رکھنے کے لیے سازگار ہے۔
