ابوظبی میں تیار شدہ ہیلی طیارے کی پہلی کامیاب پرواز، ڈرائیور لیس گاڑیاں بھی چلنے لگیں

ابوظبی: ابوظبی میں تیار شدہ ہیلی طیارے نے اپنی پہلی کامیاب پرواز مکمل کرلی ہے۔ جدید ہیلی طیارہ 250 کلو وزن تک سامان اٹھانے اور 700 کلومیٹر تک فاصلے تک لے جانے کی صلاحیت رکھتا ہے۔

ہیلی طیارے کی خصوصیات

ابوظبی حکومت کے مطابق یہ طیارہ بنیادی طور پر ڈیلیوری کے لیے استعمال ہوگا۔
طیارے میں جدید ہائبرڈ انجن نصب ہے جو بجلی اور ایندھن دونوں سے پرواز ممکن بناتا ہے۔
طیارہ مکمل طور پر ابوظبی میں تیار کیا گیا ہے، جس سے مقامی ٹیکنالوجی کی ترقی کا عندیہ ملتا ہے۔

ابوظبی میں بغیر ڈرائیور گاڑیاں چلنے لگیں

اسی دوران ابوظبی میں ڈرائیور لیس گاڑیاں بھی باقاعدہ تجارتی سروس کے لیے متعارف کرادی گئی ہیں۔
ابوظبی مشرق وسطیٰ کا پہلا شہر بن گیا ہے جہاں بغیر ڈرائیور گاڑیاں چلائی جا رہی ہیں۔
یہ سروس چین کی دو مختلف کمپنیوں کی گاڑیوں کے ذریعے فراہم کی جائے گی۔

ابوظبی حکومت نے دونوں منصوبوں کو ٹیکنالوجی اور شہری سہولت میں انقلاب قرار دیا ہے، اور کہا ہے کہ یہ اقدامات شہری نقل و حمل اور لاجسٹکس کے شعبے میں ایک نئی جہت فراہم کریں گے۔