دبئی ایئر شو 2025 میں پاکستان کا جدید لڑاکا طیارہ جے ایف-17 تھنڈر ایک بار پھر مرکزِ توجہ بن گیا، جہاں نہ صرف دنیا بھر کے ماہرین نے اس کی صلاحیتوں کو سراہا بلکہ بھارتی فضائیہ کے اہلکار بھی پاکستانی طیارے کے فین نکلے۔
ذرائع کے مطابق ایئر شو کے دوران بھارتی فضائیہ کے اہلکاروں نے پاکستانی پویلین کا خصوصی دورہ کیا اور پاک فضائیہ کے جدید ہتھیاروں اور ٹیکنالوجی میں دلچسپی کا اظہار کیا۔
پاکستانی حکام کا کہنا ہے کہ بھارتی اہلکاروں نے جے ایف-17 تھنڈر کے نزدیک جا کر
ذوق و شوق سے تصاویر بھی بنوائیں، جو سوشل میڈیا پر تیزی سے وائرل ہو رہی ہیں۔
“آئیے، آپ کو چائے پلائیں” – پاک فضائیہ کے پائلٹس کی پیشکش
پاکستانی پائلٹس نے بھارتی اہلکاروں کا پرتپاک استقبال کیا اور انہیں چائے کی پیشکش بھی کی۔
پائلٹس کا کہنا تھا:
“آئیے، آپ کو چائے پلائیں”
تاہم بھارتی فوجیوں نے شکریہ کے ساتھ چائے سے معذرت کرتے ہوئے صرف پانی پر اکتفا کیا۔
پاکستانی حکام کا کہنا ہے:
“کوئی بھی مہمان آئے، ہماری طرف سے ویلکم ہے۔”
جے ایف-17 کی مقبولیت میں مزید اضافہ
معرکۂ حق میں پاک فضائیہ کی کامیابی کے بعد جے ایف-17 تھنڈر کے چرچے عالمی سطح پر بڑھ گئے ہیں،
اور ایئر شو میں اس کی بہترین ساخت اور جنگی صلاحیتوں نے غیر ملکی وفود کے ساتھ ساتھ بھارتی اہلکاروں کو بھی متاثر کیا۔
سوشل میڈیا پر گردش کرتی تصاویر میں بھارتی فضائیہ کے اہلکار جے ایف-17 تھنڈر کے ساتھ خوشگوار انداز میں تصویریں بنواتے نظر آتے ہیں۔
