امریکی صدر ڈونلڈ ٹرمپ کی جانب سے اسرائیلی وزیراعظم بنیامین نیتن یاہو کے لیے بھیجی گئی معافی کی درخواست کو اسرائیلی صدر اسحاق ہرزوگ نے مسترد کردیا۔
عرب میڈیا کے مطابق نیتن یاہو پر گزشتہ 5 سال سے بدعنوانی کے مقدمات جاری ہیں۔ ڈونلڈ ٹرمپ نے اسرائیلی صدر کو خط لکھ کر مؤقف اپنایا کہ نیتن یاہو کے خلاف بدعنوانی کے الزامات سیاسی اور غیرمنصفانہ ہیں، اس لیے انہیں معاف کردیا جائے۔
تاہم اسرائیلی صدر اسحاق ہرزوگ نے ٹرمپ کی درخواست رد کرتے ہوئے کہا کہ وہ صدر ٹرمپ کی دوستی اور رائے کا احترام کرتے ہیں، مگر اسرائیل ایک خودمختار ریاست ہے اور اس کے قانونی نظام کا احترام ہر صورت ضروری ہے۔
اسحاق ہرزوگ نے درخواست کو “غیر معمولی” قرار دیتے ہوئے کہا کہ ان کے نزدیک اسرائیلی عوام کی بھلائی اور شفاف نظامِ انصاف سب سے پہلی ترجیح ہے۔ انہوں نے واضح کیا کہ ریاستی قوانین اور عدالتی عمل کے مطابق ہی نیتن یاہو کے کیسز آگے بڑھیں گے.
