ویٹی کن سٹی: کیتھولک مسیحیوں کے مذہبی پیشوا پوپ لیو نے کرسمس کے موقع پر اپنے خطاب میں دنیا بھر میں جاری جنگوں کے خاتمے کا مطالبہ کیا۔ پوپ نے اپنے خطاب میں مصائب کا شکار غزہ کے فلسطینیوں کا خصوصی ذکر کرتے ہوئے فلسطین، لبنان، شام، اسرائیل اور یوکرین میں امن، انصاف اور استحکام کی دعا کی۔
ویٹی کن سٹی میں کرسمس پر خصوصی عبادات کا اہتمام کیا گیا، جبکہ دنیا بھر میں کرسمس کی تقریبات جاری رہیں۔ عراق میں گرجا گھروں میں خصوصی عبادات ہوئیں، اور فلسطین کے مقبوضہ مغربی کنارے میں حضرت عیسیٰ علیہ السلام کی جائے پیدائش بیت لحم میں بھی مسیحیوں نے خصوصی عبادات کیں۔ جنگ سے تباہ حال غزہ کے فلسطینیوں نے بھی کرسمس کی خوشیاں منائیں۔
پوپ لیو نے اپنے خطاب میں امن کے قیام اور انسانیت کی خدمت پر زور دیتے ہوئے عالمی برادری سے جنگ زدہ علاقوں میں فوری مدد فراہم کرنے کا بھی مطالبہ کیا۔
