صوبائی وزیر اطلاعات پنجاب عظمی بخاری کا کہنا ہے کہ خیبرپختونواہ کی جو حالت ہے اسکو کسی سروے کی ضرورت نہیں کل تک گیلپ سروے پر بھنگڑے ڈالنے والوں کو آج اپنے بارے میں آیا گیلپ سروے برا لگ رہا ہے۔
بیرسٹر سیف کے بیان پر ردعمل دیتے ہوئے عظمی بخاری کا کہنا تھا کہ گیلپ سروے خیبرپختونخواہ میں 12سالہ جعلی تبدیلی کے منہ پر طمانچہ ہےخیبرپختونخواہ کے 73فیصد عوام نے گنڈا پور سرکار کو چارج شیٹ کیا ہے کے پی کی عوام پر جعلی انقلابی تقریروں اور جھوٹے فلسفوں کی حقیقت عیاں ہوگئی ہے:عظمیٰ بخاری نے کہا کہ خیبرپختونخواہ کے 71فیصد عوام چاہتے میگا پروجیکٹس میں کرپشن کی شفاف تحقیقات ہونی چاہیے تحریک انصاف کے اپنے ووٹرز نے تسلیم کیا کے پی میں ترقیاتی فنڈز کرپشن کی نذر ہورہے ہیں علی امین لوٹ مار ایسوسی ایشن کے مرکزی ”چیئرمین“بن کر سامنے آئے ہیں علی امین اور انکی کابینہ نے جی ٹی روڈ پر سفر کرتے پنجاب میں ترقی اور خوشحالی کا خود مشاہدہ کیا ہے مریم نواز نے پنجاب میں میرٹ،شفافیت اور گڈگورننس کا رول ماڈل سیٹ کردیا ہے پنجاب کے تمام چھوٹے بڑے منصوبے شفافیت کی بنیاد پر مکمل ہورہے ہیں مریم نواز کے منصوبوں پر کوئی انگلی نہیں اٹھا سکتا۔
