وفاقی وزیر داخلہ محسن نقوی نے اسلام آباد سیف سٹی ہیڈکوارٹرز کا دورہ کیا ۔وزیر داخلہ محسن نقوی نے آن لائن ویمن پولیس سٹیشن اور ون انفو (1info) موبائل ایپلیکیشن کا باقاعدہ افتتاح کیا۔
وزیر داخلہ محسن نقوی نے آئی جی اسلام آباد پولیس علی ناصر رضوی اور ان کی ٹیم کے نئے اقدامات کو سراہا۔وزیر داخلہ محسن نقوی نے ڈیجیٹل وال پر شہر کی مانیٹرنگ کے عمل کا مشاہدہ کیا۔ وزیر داخلہ محسن نقوی نے کہا کہ ایپ سے ایمرجنسی شکایات درج کرائی جاسکیں گی۔وزیر داخلہ محسن نقوی نے خواتین اور کمزور طبقات کی فوری مدد کے لیے آن لائن پلیٹ فارمز کو مزید فعال بنانے کی ہدایت کی۔ وزیر داخلہ محسن نقوی نے کہا کہ ایپ اور آن لائن ویمن پولیس سٹیشن جدید ٹیکنالوجی کے استعمال کے سلسلے میں ہمارے عزم کے عکاس ہیں۔وزیر مملکت داخلہ طلال چوہدری، سیکرٹری داخلہ، چیف کمشنر اسلام آباد اور آئی جی اسلام آباد پولیس بھی ہمراہ تھے۔ وزیر داخلہ محسن نقوی نے سیف سٹی ہیڈکوارٹرز میں اہم اجلاس کی صدارت کی۔ جس میں جرائم کی سرکوبی۔ کیسز ٹریس کرنے اور امن عامہ یقینی بنانے کیلئے سیف سٹی پراجیکٹ کی افادیت و کارکردگی کا جائزہ لیا گیا۔وزیر داخلہ محسن نقوی نے کہا کہ سیف سٹی پراجیکٹ نے جرائم کی روک تھام اور فوری رسپانس میں اہم کردار ادا کیا ہے۔وزیر داخلہ کی جانب سے سیف سٹی کی مانیٹرنگ کو مزید مؤثر بنانے کی ہدایت دی گئی۔ وزیر داخلہ محسن نقوی نے کہا کہسرویلنس کے نظام کو جدید ٹیکنالوجی اور اے آئی سے لیس کیا جائے، اسلام آباد کو محفوظ ترین شہر بنانے کے لیے سیف سٹی منصوبے کو ماڈل کے طور پر اپنایا جائے گا،وزیر داخلہ نے سیف سٹی اسلام آباد کو دیگر صوبوں کے سیف سٹییز سے منسلک کرنے پر بھی کام کرنے کی ہدایت کی ۔وزیر داخلہ نے کہا کہ تمام سیف سٹیز کو آپس میں جوڑنے سے ڈیٹا شیئرنگ میں بہتری آئے گی،وزیر داخلہ نے سیف سٹی سٹاف کی کارکردگی کو سراہا اور مزید محنت اور لگن سے کام کرنے کی ہدایت کی ۔وزیر داخلہ نے سیف سٹی میں تعینات عملے کو عوامی خدمت کو اولین ترجیح دینے کی تلقین کی۔وفاقی وزیر داخلہ نے سیف سٹی ٹیم کے جذبے اور کارکردگی کو سراہا۔ آئی جی اسلام آباد علی ناصر رضوی نے وزیر داخلہ کو سیف سٹی پر تفصیلی بریفنگ دی ۔ بریفنگ میں بتایا گیا کہوفاقی دارالحکومت کے علاقوں کو 3100کیمروں سے مانیٹر کیا جا رہا ہے۔سسٹم کو مزید وسعت دینے کے لیے 3100 نئے کیمرے نصب کیے جائیں گے،سیف سٹی اسلام آباد نے سردار فہیم قتل سمیت کئی ہائی پروفائل کیسز میں کلیدی کردار ادا کیا،سیف سٹی کیمروں کی مدد سے متعدد اہم مقدمات کی تفتیش میں پیش رفت ہوئی،سیف سٹی کیمروں کی مدد سے اسلام آباد میں جرائم کی شرح میں نمایاں کمی آئی،آن لائن وویمن پولیس سٹیشن خواتین کیلئے بنایا گیا ہے اور خواتین کیلئے ہیلپ لائن 1815 مختص کی گئی ہے۔ 1815 ہیلپ لائن پر کال ٹیکر،کال ریسپانڈر اور تفتیشی افسران بھی خواتین پولیس اہلکار ہیں۔
