وزیراعلیٰ پنجاب مریم نواز کا ڈوبنے سے بچاؤ کے عالمی پر دن پر پیغام

وزیر اعلیٰ پنجاب مریم نواز کا کہنا ہے کہ ڈوبنے سے بچاؤ کا عالمی دن احتیاط تدابیر اختیار کرنے کا شعور دیتا ہے۔

ڈوبنے سے بچاؤ کے عالمی پر دن پر پیغام میں مریم نواز کا کہنا ہے کہ ڈبلیو ایچ او کے زیر اہتمام ڈوبنے سے بچاؤ کا تھیم “کوئی بھی ڈوب سکتا مگر کسی کو ڈوبنا نہیں چاہیئے پانی زندگی کی علامت ہے مگر بے احتیاطی سے پانی موت کا سبب بھی بن سکتا ہے۔ڈوبنے کے خطرے کو سنجیدگی سے نہ لئے جانے کے باعث دنیا بھر میں سالانہ لاکھوں لوگ جان گنوا دیتے ہیں-نہر ،ندیوں ، سیلابی نالوں،دریا یا سمندر میں ڈوبنے سے بچاؤ محض احتیاط سے ممکن ہے۔حالیہ سیلابی ریلوں میں متعدد افراد کا ڈوبنا انتہائی تکلیف دہ اور پریشان کن ہے۔پنجاب بھر نہروں،ندی نالوں جھیلوں اور دریا میں نہانے پر پابندی ہے۔نہانے پر پابندی کےلئے وارننگ، سائن سسٹم اور مانیٹرنگ کو یقینی بنایا جا رہا ہے۔ریسکیو 1122 ٹیمیں عوام کو ڈوبنے سے بچاؤ کےلئے پوری طرح متحرک ہیں۔والدین سے اپیل ہے بچوں کو سیلابی نالوں نہروں اور دریاؤں میں نہانے سے روکیں۔محکمہ موسمیات اور انتظامیہ کے الرٹ کو مد نظر رکھیں اور خطرناک علاقے میں جانے سے گریز کریں۔