مستونگ میں کامیاب آپریشن پر سیکیورٹی فورسز کو خراج تحسین، پنجاب اسمبلی میں قرارداد جمع کرادی گئی
آئی پی پی کے ایم پی اے شعیب صدیقی نے دہشتگرد واصل جہنم کرنے پر قرارداد جمع کرائی ۔ قرار داد کے متن میں کہا گیا ہے کہ بلوچستان میں بھارتی سرپرستی میں سرگرم دہشتگرد تنظیم فتنۃ الہندوستان کی بیخ کنی کی گئی فوج کے جوانوں نے دہشتگردوں کا جواں مردی سے مقابلہ کرتے ہوئے شہادت پائی قرارداد میں شہادت پانے والے میجر زیاد سلیم اور سپاہی ناظم حسین کو خراج عقیدت پیش کیا گیا یہ ایوان شہداء کے بلند درجات اور غمزدہ خاندانوں کو صبر جمیل کیلئے دعا گو ہے۔مسلح افواج دہشتگردوں کے سامنے سیسہ پلائی دیوار کی مانند کھڑی ہے۔شعیب صدیقی کا کہنا ہے کہ مادرِ وطن کے بہادر سپوتوں کی شہادتیں اور قربانیاں کبھی رائیگاں نہیں جائیں گی یہ ایوان سمجھتا ہے کہ پاکستان عرصہ دراز سے دہشتگردوں سے بر سر پیکار ہے قومی سلامتی کے اداروں نے ہمیشہ دشمن کے عزائم خاک میں ملائے فیلڈ مارشل کی سربراہی میں پاک فوج ہر وقت وطن کے دفاع کے لئے تیار ہے فتنہ الہندوستان و خوارج اور سہولت کاروں کا قلع قمع کرنے کیلئے بھرپور اقدامات کا مطالبہ کرتا ہے۔