وزیر اعلی پنجاب مریم نواز کا کہنا ہے کہ ستھرا پنجاب پروگرام کامیابی سے جاری ہے،چند اضلاع میں صفائی کے بارے میں شکایات کا ازالہ کریں گے۔
وزیراعلیٰ مریم نواز شریف کی زیر صدارت اجلاس ہوا اجلاس میں ستھر اپنجاب کے بارے میں تفصیلی بریفنگ دی گئی اجلاس کو بتایا گیا کہ عالمی بینک،یورپ سمیت دیگر ممالک کے ترقیاتی اداروں کا ستھرا پنجاب میں سرمایہ کاری کیلئے اظہار دلچسپی رکھتا ہے وہیکل ٹرپ کاؤنٹنگ سسٹم،وہیکل ٹریکنگ مینجمنٹ سسٹم کے بارے میں بتایاگیا ستھرا پنجاب پراجیکٹ کے تحت پہلی مرتبہ ای انوائس اورسینی ٹیشن فیس کی ای بلنگ پر بھی بریفنگ دی گئی پنجاب بھر میں مزید 136 ویسٹ ڈسپوزل پوائنٹس بنانے پر اتفاق کیا گیا۔مریم نواز کا کہنا تھا کہ ستھرا پنجاب پراجیکٹ میں درست کام نہ کرنے والے کنٹریکٹر کو نکال باہر کیا جائے۔ہر گلے محلے میں صفائی اورعملہ مستقل طورپر نظر آنا چاہیے۔لوگوں کی بڑھتی ہوئی توقعات کی طرح پرفارمنس کو بھی بڑھانا ہے۔سیف سٹی کیمروں کو پنجاب بھر میں صفائی کی صورتحال جانچنے کیلئے استعمال کیا جائے۔
