مسلم لیگ ن کے صدر نوازشریف اور وزیراعلیٰ پنجاب مریم نواز سے متحدہ عرب امارات کے سفیر حماد ابراہیم نے ملاقات کی ہے۔
ملاقات کے دوران نواز شریف اور وزیراعلیٰ مریم نواز نے یو اے ای کی سائنسی ترقی، ماحول دوستی اور جدید وژن کو سراہا۔
ملاقات میں پاکستان اور یو اے ای کے مابین تعاون کو نئی بلندیوں تک لے جانے پر اتفاق کیا گیا۔
برادرانہ باہمی تعلقات،اقتصادی شراکت داری، تعلیم، سائنس اور پائیدار ترقی میں دوطرفہ تعاون کو مزید وسعت دینے پر بھی تفصیلی تبادلہ خیال کیا گیا۔
نواز شریف نےکہا پاکستان اور یو اے ای کا رشتہ وقت اور حالات کی آزمائشوں میں ہمیشہ سرخرو رہا ہے۔
وزیراعلیٰ مریم نواز کاکہنا تھاکہ یو اے ای کے ساتھ تعلیم، تحقیق اور ماحولیات کے میدان میں اشتراک عمل کو مزید وسعت دینے کے خواہاں ہیں۔
وزیراعلیٰ نے اماراتی سرمایہ کاروں کو پنجاب میں سرمایہ کاری کی دعوت دی اور کہاکہ پنجاب بزنس فرینڈلی انوائرمنٹ کے ساتھ سرمایہ کاری کے لیے بہترین انتخاب بن چکا ہے۔