لاہور: تحریک انصاف نے لاہور سے 300 سے کارکنان کو حراست میں لیے جانے کا دعویٰ کیا ہے۔
صدرپی ٹی آئی لاہور امتیاز شیخ نے چوائس نیوز سے گفتگو کرتے ہوئے کہا کہ لاہور کے تمام حلقوں میں احتجاج کی تیاریاں مکمل ہیں، لاہور میں آج یوم سیاہ کے طور پر بھرپور احتجاج ہوگا، پی ٹی آئی کے تمام ٹکٹس ہولڈر اور کارکنوں کو ہدایت دی گئی تھی کہ وہ اپنے حلقوں میں احتجاج کریں۔
پی ٹی آئی رہنما نے دعویٰ کیا کہ لاہور پولیس پی ٹی آئی رہنماؤں اور کارکنوں کی گرفتاری کیلئے چھاپے مار رہی ہے ۔
پارٹی ذرائع نے یہ بھی دعویٰ کیا ہے کہ لاہور سے ہمارے 300کارکنان کو حراست میں لیا گیا ہے، گزشتہ روز پی ٹی آئی کے کارکن چھاپوں کے خوف سے پنجاب اسمبلی سے نہیں نکل رہے تھے ۔