لاہور: پی ڈی ایم اے نے پنجاب میں مزید بارشوں کی پیشگوئی کی ہے۔
ترجمان پی ڈی ایم اے کے مطابق آئندہ 24 گھنٹوں کے دوران پنجاب کے بیشتراضلاع میں بارشیں متوقع ہیں۔
ترجمان نے بتایا کہ تربیلا، کالاباغ، چشمہ اور تونسہ کے مقام پر پانی کا بہاؤ نارمل ہے۔
ترجمان کے مطابق دریائے چناب، جہلم، راوی اور ستلج میں بھی پانی کا بہاؤ نارمل ہے جب کہ تربیلا ڈیم 96 فیصد اور منگلا ڈیم 62 فیصد تک بھر چکا ہے۔
اس کے علاوہ کراچی سمیت سندھ کے ساحلی علاقوں میں مطلع جزوی ابر آلود رہنے کے علاوہ چند مقامات پر ہلکی بارش یا بونداباندی کا بھی امکان ہے۔