چیئرمین بلاول بھٹو زرداری کا 78 ویں یوم آزادی اور جشنِ معرکہ حق پر تمام پاکستانیوں کو مبارکباد دی ہے۔
اپنے پیغام میں چیئرمین بلاول بھٹو نے یوم آزادی پر بے روزگاری، مہنگائی، غربت اور امتیاز کے خاتمے کی جدوجہد کو مزید تیز کرنے کا اعادہ کیا ہے ان کا کہنا ہے کہ جمہوری استحکام، 1973ء کے آئین اور پاکستان کے ناقابلِ تسخیر دفاع و خودمختاری پر کبھی سمجھوتہ نہیں کریں گے آج کا دن ہمارے عوام کی ثابت قدمی، اتحاد اور ناقابلِ تسخیر جذبے کی یاد دہانی کراتا ہے قائداعظم کی زیرِ قیادت ہمارے آباؤ اجداد نے وہ کارنامہ سرانجام دیا جو بہت سے لوگوں کو ناممکن لگتا تھا چودہ اگست 1947ع سے قبل بہت سارے لوگوں کو ایک آزاد اور خودمختار پاکستان کا قیام ناممکن لگتا تھا بانی اجداد کا خواب تھا کہ ہر شہری کو مذہب، ذات، جنس یا عقیدے سے بالاتر ہو کر عزت، مساوات اور انصاف سے زندگی گزارنے کا حق حاصل ہو: بلاول بھٹو زرداری کا کہنا تھا کہ پیپلز پارٹی ہمیشہ پاکستان کے بانی اجداد کے اُس وژن کی محافظ رہی ہے پیپلز پارٹی جمہوریت کے تحفظ اور آئین کے دفاع کے لیے جدوجہد کرتی آئی ہے پیپلز پارٹی ارض وطن کو ایک ایسا ملک بنانے کے لیے سرگرم عمل جہاں مواقع چند افراد کا استحقاق نہیں بلکہ سب کا حق ہوں: قائدِ عوام بھٹو شہید اور شہید محترمہ بینظیر بھٹو نے اپنی زندگیاں ملک و قوم کے لیے وقف کردیں قائدِ عوام اور بی بی شہید کی زندگیاں جمہوریت، پاکستان کی خودمختاری کے تحفظ اور عوام کی فلاح و بہبود کے لیے وقف تھیں شہید ذوالفقار علی بھٹو اور شہید محترمہ بینظیر بھٹو کی قربانیاں آج بھی مشعلِ راہ ہیں شہید ذوالفقار علی بھٹو اور بی بی شہید کا نظریہ و قربانیاں ہمیں ایک روشن اور منصفانہ مستقبل کی طرف رہنمائی کرتی ہیں آج یومِ آزادی کے موقع پر میں ہر پاکستانی، خصوصاً اپنی نوجوان نسل سے ایک اپیل کرتا ہوں میری اپیل ہے کہ آپ تقسیم سے بالاتر ہوکر نفرت اور عدم برداشت کو مسترد کریں میری اپیل ہے کہ آپ ایک پُرامن، خوشحال اور ترقی پسند پاکستان کی تعمیر کے لیے مل کر کام کریں آئیں عہد کریں کہ ہم اپنی جمہوریت کا تحفظ کریں گے اور اپنے عوام کو بااختیار بنائیں گے آئیے عہد کریں کہ ہم یہ یقینی بنائیں گے کہ کوئی بچہ بھوکا نہ سوئے، کوئی گھر تاریکی میں نہ رہے اور کسی آواز کو دبایا نہ جائے آزادی کوئی ایسا تحفہ نہیں جو محض تاریخ میں محفوظ ہو، بلکہ یہ ایک ذمہ داری ہے جس سے ہر روز تجدید کرنا ضروری ہے آئیں اپنے ماضی کو اس طرح خراجِ تحسین پیش کریں کہ ہم اپنا ایک روشن مستقبل تعمیر کریں ایک ایسا متقبل جو ہمارے اُن اجداد کی قربانیوں کے شایانِ شان ہو جنہوں نے ہمیں یہ وطن عطا کیا دعاگو ہوں کہ پاکستان ہمیشہ مضبوط قومی اتحاد و ہم آہنگی سے مالامال اقوامِ عالم میں سربلند رہے۔
