پاک بحریہ کے اسسٹنٹ چیف آف اسٹاف برائے آپریشنز کموڈور راؤ احمد عمران کا کہنا ہے کہ پاک بحریہ دنیا کے جدید ترین میزائل سسٹم سے مسلح ہو چکی ہے۔
چوائس نیوز کو خصوصی انٹرویو میں پاک بحریہ کے اسسٹنٹ چیف آف اسٹاف برائے آپریشنز کموڈور راؤ احمد عمران نے بتایا ہے کہ پاک بحریہ دنیا کے جدید ترین میزائل سسٹم سے مسلح ہوچکی، تمام میزائل پاکستان میں ہی تیار کیے گئے جو حملہ کرنے والے دشمن کو فضا، سمندر اور زمین پر تباہ و برباد کرنے کی صلاحیت رکھتے ہیں۔
پاک بحریہ کے جدید ترین جنگی جہاز پی این ایس تیمور پر چوائس نیوز کو خصوصی انٹرویو میں انہوں نے بتایا کہ پاک بحریہ کے لانگ رینج میزائل اور ہتھیار دنیا کے ترقی یافتہ ترین ملکوں کے ہتھیاروں سے کم نہیں۔