اسلام آباد: وزیر اعظم شہباز شریف نے کابینہ کی اقتصادی رابطہ کمیٹی (ای سی سی) کی تشکیلِ نو کی منظوری دے دی۔ منظوری کے بعد کابینہ ڈویژن نے نئے ارکان کے تقرر کا نوٹیفکیشن جاری کر دیا۔
نوٹیفکیشن کے مطابق وفاقی وزیر خزانہ محمد اورنگزیب بدستور ای سی سی کے چیئرمین رہیں گے، جبکہ وفاقی وزیر سرمایہ کاری بورڈ قیصر احمد شیخ کو کمیٹی کا نیا رکن مقرر کر دیا گیا ہے۔
ای سی سی ممبران کی تعداد 8 ہوگئی
نئے رکن کی شمولیت کے بعد اقتصادی رابطہ کمیٹی کے ارکان کی مجموعی تعداد 7 سے بڑھ کر 8 ہوگئی ہے۔
ای سی سی کے موجودہ ارکان
نوٹیفکیشن کے مطابق کمیٹی میں شامل دیگر وزرا میں شامل ہیں:
• وفاقی وزیر اقتصادی امور — احد چیمہ
• وزیر پاور ڈویژن — اویس لغاری
• وزیر پیٹرولیم — علی پرویز ملک
• وزیر تجارت — جام کمال خان
• وزیر نیشنل فوڈ سکیورٹی — رانا تنویر حسین
• وفاقی وزیر منصوبہ بندی — احسن اقبال
اس سے قبل 22 مئی کو ای سی سی تشکیل دی گئی تھی جس میں 7 ارکان شامل تھے، تاہم نئی تشکیل کے بعد کمیٹی میں ایک رکن کا اضافہ کر دیا گیا ہے۔
