وزیر ہاؤسنگ اربن ڈویلپمنٹ اینڈ پبلک ہیلتھ انجینئرنگ بلال یاسین کی زیر صدارت رواں سال پھاٹا کی گورننگ باڈی کا پہلا اجلاس، 101 ویں اجلاس میں سیکرٹری ہاؤسنگ کیپٹن ( ر)اسداللہ خان ، ڈی جی پھاٹا سکندر ذیشان سمیت دیگر ممبران کی شرکت کی۔
پنجاب ہاؤسنگ اینڈ ٹاؤن پلاننگ ایجنسی، اپنی چھت ،اپنا گھر رولز 2024 سمیت 20 ایجنڈوں کو پیش کیا گیا،اجلاس میں 3 مرلہ مفت پلانٹس کی فراہمی کیلئے اپنی زمین،اپنا گھر پروگرام کی منظوری دے دی گئی۔
پھاٹا لینڈ یوز قوانین 2017 کے قوانین میں تبدیلی، ریکوری فیس بارے تجاویز کی منظوری، پھاٹا کو جدید خطوط پر استوار کرنے کیلئے آئی ٹی بیسڈ اصطلاحات کی منظوری دی گئی۔
ای فوس،پلس، ورلڈ بینک پراجیکٹس اور لینڈ ریکارڈ کی ڈیجائزیشن کے حوالے سے فوری اقدامات کیے جائیں، اجلاس میں پھاٹا اراضی واگزار کروانے، ریگولرائز کی مد میں معاوضہ لینے کا فیصلہ کیا گیا۔
اجلاس میں افورڈایبل پرائیویٹ ہاؤسنگ اسکیموں کے ریگولیشنز کی بھی منظوری دی گئی،پرائیویٹ ڈویلپرز اور پھاٹا مشترکہ طور پر افورڈایبل ہاؤسنگ پروگرام پر کام کریں گے۔
پھاٹا کے پرانے انتظامی ڈویژن کی بجائے بورڈ آف ریونیو کے جاری کردہ نئے اضلاع کے مطابق دفتری امور چلانے کی منظوری، نئے پھاٹا رولز، ریگولیشنز اور آرڈیننس/ایکٹ میں مجوزہ ترامیم کی کابینہ سے بھی منظوری لی جائے گی،
وزیر ہاؤسنگ پنجاب بلال یاسین کا کہنا تھا کہ وزیر اعلیٰ پنجاب کی ہدایت پر غریب خاندانوں کو مفت رہائشی سہولتیں فراہم کرنے کیلئے ہر ممکن وسائل فراہم کیے جارہے ہیں، اداروں کی کارکردگی کو بہتر بنانے کیلئے قوانین میں تبدیلی و ترامیم ناگزیر مثبت عمل ہے۔
