124
حالیہ پاک بھارت کشیدگی میں چینی ساختہ لڑاکا طیارے جے 10 سی نے اپنا لوہا منوا لیا۔
برطانوی جریدے کی رپورٹ کے مطابق اسی طیارے نے بھارت کا رافیل لڑاکا طیارہ مار گرایا، فوجی امور کے چینی ماہر نے جنگ میں ملی اس کامیابی کو چینی طیاروں اور فوجی سازوسامان کی بہترین تشہیر قرار دے دیا۔
چینی ماہر نے کہا کہ جنگی میدان میں کامیابی سے زیادہ اچھی تشہیر کوئی اور ہو ہی نہیں سکتی، پاکستان نے بھارت کے ساتھ لڑائی میں پہلی بار جے 10 سی لڑاکا طیارے کا جنگی میدان میں استعمال کیا ہے، دوسری طرف امریکی میڈیا نے بھی بھارتی ائیر فورس کے زیرِ استعمال فرانس کے تیار کردہ 2 رافیل طیارے مار گرائے جانے کی تصدیق کردی۔
امریکی میڈیا کے مطابق وڈیوز کے جائزے سے تصدیق ہوگئی ہے کہ ملبہ فرانس کے تیار کردہ جنگی جہازوں کا ہے۔
