اوپن اے آئی نے چیٹ جی پی ٹی میں گروپ میسجنگ فیچر متعارف کروا دیا ہے، جس سے یہ اے آئی چیٹ بوٹ سوشل میڈیا پلیٹ فارم کی طرح کام کرنے لگے گا۔
اس فیچر کے تحت متعدد افراد ایک ہی چیٹ میں شامل ہو سکیں گے اور اے آئی بوٹ ان کے درمیان گائیڈ کا کردار ادا کرے گا۔ یہ کمپنی کا پہلا فیچر ہے جس کا مقصد دفتر کی ٹیمیں، دوست یا گھر کے افراد کو اکٹھے مل کر کام کرنے میں مدد فراہم کرنا ہے۔
ابتدائی طور پر یہ فیچر جاپان، نیوزی لینڈ، جنوبی کوریا اور تائیوان میں دستیاب ہے، جبکہ دنیا کے دیگر حصوں میں چند ماہ کے دوران توسیع متوقع ہے۔
چیٹ جی پی ٹی گروپ میسجنگ میں ایک گروپ میں 20 افراد تک شامل ہو سکتے ہیں۔ گروپ میں ہر فرد کی اپنی پروفائل، یوزر نیم اور پروفائل فوٹو ہوگی، اور وہ میسجز پر ایموجیز کے ذریعے ری ایکٹ بھی کر سکیں گے۔ گروپ ایڈمن میمبرشپ کو کنٹرول کرے گا، جبکہ ہر صارف نوٹیفکیشنز کو میوٹ کرنے یا چیٹ کا نام تبدیل کرنے کی سہولت حاصل کرے گا۔
گروپ تھریڈز میں صارفین ون آن ون چیٹ بھی کر سکیں گے جو دیگر افراد نہیں دیکھ سکیں گے۔
یہ فیچر جی پی ٹی 5.1 آٹو اے آئی ماڈل پر کام کرے گا اور مفت یا ماہانہ فیس ادا کرنے والے صارفین کے لیے بہترین ریسپانس کو یقینی بنائے گا۔ گروپ چیٹس میں چیٹ جی پی ٹی کے تمام اہم ٹولز، بشمول ویب سرچ، امیج جنریشن، اپ لوڈز اور فائل شیئرنگ بھی دستیاب ہوں گے۔
یہ اضافہ چیٹ جی پی ٹی کے استعمال کے تجربے کو مکمل طور پر بدل دے گا، کیونکہ صارفین نہ صرف اے آئی سے بات چیت کر سکیں گے بلکہ اسے مل کر کام کرنے اور رابطے قائم کرنے کے لیے بھی استعمال کر سکیں گے۔
