یوٹیوب نے صارفین کی بڑی مشکل کا حل نکال لیا۔ اکثر افراد ہوم فیڈ پر اپنی مطلوبہ اور پسندیدہ ویڈیوز تلاش کرنے میں مشکل محسوس کرتے ہیں، جبکہ الگورتھم بارہا غیر متعلقہ مواد دکھاتا رہتا ہے۔ صارفین کی اسی جھنجھلاہٹ کو مدنظر رکھتے ہوئے یوٹیوب نے “Your Custom Feed” کے نام سے نیا فیچر آزمانا شروع کردیا ہے۔
الگورتھم کی غلط فہمی کا خاتمہ
یوٹیوب نے اعتراف کیا ہے کہ اس کا سفارشاتی نظام بعض اوقات صارفین کی دلچسپی کو غلط سمجھ لیتا ہے۔
مثال کے طور پر:
اگر آپ کسی موضوع پر چند ویڈیوز دیکھ لیں تو یوٹیوب اس موضوع کے بے شمار ویڈیوز دکھانا شروع کر دیتا ہے، حالانکہ صارف اس میں زیادہ دلچسپی نہیں رکھتا۔
نیا فیچر کہاں ملے گا؟
جن صارفین تک یہ فیچر پہنچ چکا ہے، وہ یوٹیوب کے ہوم پیج پر ہوم بٹن کے ساتھ ہی “Your Custom Feed” کا آپشن دیکھ سکتے ہیں۔
اس پر کلک کرنے کے بعد صارفین اپنی پسند کے مواد سے متعلق ہدایات دے سکیں گے۔
اپنی مرضی کا فیڈ بنائیں
یہ فیچر صارفین کو اپنی دلچسپی کے مطابق فیڈ تیار کرنے کی سہولت فراہم کرے گا۔
مثال کے طور پر:
• اگر آپ کھانا پکانے کی ویڈیوز زیادہ دیکھنا چاہتے ہیں تو بس کاسٹیوم فیڈ میں “Cooking” لکھیں،
• یوٹیوب آپ کو مستقبل میں اسی طرز کا مزید مواد دکھائے گا۔
مسلسل ’ناٹ انٹرسٹڈ‘ کے جھنجھٹ سے نجات
یہ نیا فیچر صارفین کے لیے کسی گیم چینجر سے کم نہیں ہوگا۔
اب انہیں بار بار Not Interested یا Don’t Recommend Channel پر کلک کرنے کی ضرورت نہیں رہے گی۔
یوٹیوب کے مطابق یہ اپ ڈیٹ صارفین کے تجربے کو زیادہ ذاتی نوعیت کا بنانے کی جانب ایک اہم قدم ہے، جس سے ہر فرد اپنی پسند کا مواد زیادہ با آسانی تلاش کر سکے گا.