لاہور: جنوبی افریقا کے خلاف لاہور ٹیسٹ کے لیے پاکستانی ٹیم کے ممکنہ کھلاڑیوں کے نام سامنے آ گئے ہیں۔ پاکستان اور جنوبی افریقا کے درمیان پہلا ٹیسٹ 12 اکتوبر سے قذافی اسٹیڈیم لاہور میں شروع ہوگا۔
ذرائع کے مطابق، دونوں ٹیموں کے کھلاڑی آج دوپہر قذافی اسٹیڈیم میں ٹریننگ سیشن کریں گے، جب کہ پاکستان ٹیم مینجمنٹ کی جانب سے پہلے ٹیسٹ کی پلئینگ الیون کو حتمی شکل دینے پر غور جاری ہے۔
دو فاسٹ بولرز اور دو اسپنرز کے کمبی نیشن پر غور
ذرائع کا کہنا ہے کہ ٹیم مینجمنٹ ممکنہ طور پر پہلے ٹیسٹ میں دو ریگولر فاسٹ بولرز اور دو اسپنرز کے کمبی نیشن کے ساتھ میدان میں اترنے پر غور کر رہی ہے۔
عبوری ہیڈ کوچ اظہر محمود اسپنر آصف آفریدی کی بولنگ سے متاثر ہیں اور انہیں ٹیسٹ ڈیبیو دینے کے حق میں ہیں۔
ممکنہ پاکستانی اسکواڈ
ذرائع کے مطابق، پہلے ٹیسٹ کے لیے زیر غور کھلاڑیوں میں شامل ہیں:
• عبداللہ شفیق
• امام الحق
• شان مسعود
• بابر اعظم
• سعود شکیل
• محمد رضوان (وکٹ کیپر)
• سلمان علی آغا
• ساجد خان
• شاہین شاہ آفریدی
• نعمان علی
• خرم شہزاد
ذرائع کے مطابق حتمی پلئینگ الیون کا اعلان ممکنہ طور پر ٹریننگ سیشن کے بعد کیا جائے گا۔
پاکستان اور جنوبی افریقا کے درمیان دو ٹیسٹ میچز کی سیریز 12 اکتوبر سے شروع ہوگی، جس میں قومی ٹیم کے لیے ہوم گراؤنڈ پر اچھی کارکردگی دکھانا اہم قرار دیا جا رہا ہے۔
