اسلام آباد: آئی سی سی ٹی ٹوئنٹی ورلڈ کپ 2026 کے لیے 20 ٹیموں کی فہرست مکمل ہوگئی۔
جمعرات کو ایشیا پیسیفک ریجنل فائنل میں متحدہ عرب امارات (یو اے ای) نے جاپان کو شکست دے کر آئندہ سال ہونے والے ٹی ٹوئنٹی ورلڈ کپ میں اپنی جگہ یقینی بنالی۔
اس کامیابی کے بعد اب تمام 20 ٹیموں کا اعلان ہوچکا ہے جو آئندہ سال کے عالمی ایونٹ میں حصہ لیں گی۔
🏏 براہِ راست کوالیفائی کرنے والی ٹیمیں
سری لنکا، بھارت، پاکستان، آسٹریلیا، بنگلا دیش، انگلینڈ، جنوبی افریقا، ویسٹ انڈیز، نیوزی لینڈ اور افغانستان۔
🌍 ریجنل کوالیفائر کے ذریعے شامل ہونے والی ٹیمیں
نمیبیا، زمبابوے، آئرلینڈ، کینیڈا، اٹلی، نیدرلینڈز، نیپال، عمان، امریکا اور متحدہ عرب امارات۔
آئی سی سی کے مطابق ٹی ٹوئنٹی ورلڈ کپ 2026
7 فروری سے 8 مارچ 2026 تک بھارت اور سری لنکا میں کھیلا جائے گا۔
یہ پہلا موقع ہوگا جب بھارت اور سری لنکا مشترکہ طور پر ورلڈ کپ کی میزبانی کریں گے، جبکہ 20 ٹیموں کے درمیان مقابلے ٹی ٹوئنٹی ورلڈ کپ کی تاریخ کا سب سے بڑا ایڈیشن قرار دیے جا رہے ہیں۔