راولپنڈی: پاکستان اور جنوبی افریقا کے درمیان دوسرا اور آخری ٹیسٹ میچ راولپنڈی کرکٹ اسٹیڈیم میں جاری ہے، جہاں قومی ٹیم نے پہلی اننگز میں بغیر کسی نقصان کے 32 رنز بنا لیے ہیں۔
پاکستان کے کپتان شان مسعود نے ٹاس جیت کر پہلے بیٹنگ کا فیصلہ کیا۔ اوپنرز عبداللہ شفیق اور امام الحق پراعتماد انداز میں بیٹنگ کر رہے ہیں۔
ٹیم میں ایک تبدیلی، آصف آفریدی کا ڈیبیو
کپتان شان مسعود کے مطابق، آج کے میچ کے لیے ٹیم میں ایک تبدیلی کی گئی ہے۔
حسن علی کو آرام دیا گیا ہے جبکہ آصف آفریدی کو ٹیم میں شامل کیا گیا ہے۔
آصف آفریدی نے آج 39 سال اور 299 دن کی عمر میں ٹیسٹ ڈیبیو کیا، اور انہیں شاہین شاہ آفریدی نے ٹیسٹ کیپ دی۔
جنوبی افریقا کی ٹیم میں دو تبدیلیاں
جنوبی افریقا کے کپتان ایڈن مارکرم نے کہا کہ اگر وہ ٹاس جیتتے تو وہ بھی بیٹنگ کا ہی فیصلہ کرتے۔
مہمان ٹیم نے پنڈی ٹیسٹ کے لیے دو تبدیلیاں کی ہیں —
کیشو مہاراج اور مارکو جینسن کو ٹیم میں شامل کیا گیا ہے۔
سیریز میں پاکستان کو ایک صفر کی برتری
یاد رہے کہ دو ٹیسٹ میچوں کی سیریز میں پاکستان کو ایک صفر کی برتری حاصل ہے۔
قومی ٹیم نے لاہور ٹیسٹ میں جنوبی افریقا کو 93 رنز سے شکست دے کر برتری حاصل کی تھی۔
راولپنڈی ٹیسٹ جیتنے کی صورت میں پاکستان سیریز اپنے نام کر لے گا۔
