فیصل آباد: پاکستان اور جنوبی افریقا کے درمیان تین میچوں کی ون ڈے سیریز کا فیصلہ کن میچ آج فیصل آباد کے اقبال اسٹیڈیم میں کھیلا جا رہا ہے، جہاں مہمان ٹیم نے ٹاس جیت کر بیٹنگ کا فیصلہ کیا ہے۔
میچ سے قبل قومی کھلاڑیوں نے پریکٹس سیشن میں حصہ لیا، جس میں بیٹنگ، بولنگ اور فیلڈنگ کی مشقیں شامل تھیں۔
واضح رہے کہ تین میچوں کی سیریز اس وقت 1-1 سے برابر ہے۔ سیریز کے پہلے میچ میں پاکستان نے جنوبی افریقا کو 2 وکٹ سے شکست دی تھی، جبکہ دوسرے ون ڈے میں مہمان ٹیم نے 8 وکٹوں سے کامیابی حاصل کی تھی۔
آج کا میچ سیریز کا فیصلہ کن مقابلہ ہوگا اور شائقین کی نظریں گرین شرٹس کی کارکردگی پر مرکوز ہیں.