کولمبو: ٹی ٹوئنٹی ورلڈ کپ کے ابتدائی راؤنڈ کا مرحلہ اختتام پذیر ہونے کے بعد کل سے سپر ایٹ مرحلے کا باقاعدہ آغاز ہو رہا ہے۔ اس مرحلے میں دنیائے کرکٹ کی آٹھ بڑی ٹیمیں ٹائٹل کی دوڑ میں آمنے سامنے ہوں گی۔
چار گروپس سے ٹاپ دو ٹیموں نے سپر ایٹ کے لیے کوالیفائی کیا، جنہیں اب دو نئے گروپس میں تقسیم کیا گیا ہے۔ ہر ٹیم اپنے گروپ میں شامل دیگر تین ٹیموں کے خلاف ایک، ایک میچ کھیلے گی۔
سپر ایٹ گروپس
گروپ اے
• بھارت کرکٹ ٹیم
• جنوبی افریقہ کرکٹ ٹیم
• ویسٹ انڈیز کرکٹ ٹیم
• زمبابوے کرکٹ ٹیم
گروپ اے کے تمام میچز بھارت میں کھیلے جائیں گے۔
گروپ بی
• پاکستان کرکٹ ٹیم
• سری لنکا کرکٹ ٹیم
• انگلینڈ کرکٹ ٹیم
• نیوزی لینڈ کرکٹ ٹیم
گروپ بی کے تمام مقابلے سری لنکا میں ہوں گے، جہاں پاکستان ہائبرڈ ماڈل کے تحت اپنے میچز کھیلے گا۔
سپر ایٹ مکمل شیڈول
21 فروری
نیوزی لینڈ بمقابلہ پاکستان – کولمبو
22 فروری
انگلینڈ بمقابلہ سری لنکا – پالیکیلے
بھارت بمقابلہ جنوبی افریقہ – احمد آباد
23 فروری
زمبابوے بمقابلہ ویسٹ انڈیز – ممبئی
24 فروری
انگلینڈ بمقابلہ پاکستان – پالیکیلے
25 فروری
نیوزی لینڈ بمقابلہ سری لنکا – کولمبو
26 فروری
ویسٹ انڈیز بمقابلہ جنوبی افریقہ – احمد آباد
بھارت بمقابلہ زمبابوے – چنئی
27 فروری
انگلینڈ بمقابلہ نیوزی لینڈ – کولمبو
28 فروری
پاکستان بمقابلہ سری لنکا – پالیکیلے
یکم مارچ
زمبابوے بمقابلہ جنوبی افریقہ – دہلی
بھارت بمقابلہ ویسٹ انڈیز – کولکتہ
ناک آؤٹ مرحلہ
ہر گروپ سے ٹاپ دو ٹیمیں سیمی فائنل کے لیے کوالیفائی کریں گی۔
• پہلا سیمی فائنل: 4 مارچ
• دوسرا سیمی فائنل: 5 مارچ
• فائنل: 8 مارچ
اگر پاکستان سیمی فائنل یا فائنل تک رسائی حاصل کرتا ہے اور اس کا مقابلہ بھارت سے ہوتا ہے تو ہائبرڈ ماڈل کے تحت بھارتی ٹیم کو میچ کھیلنے کے لیے سری لنکا آنا ہوگا۔
سنسنی خیز مقابلوں کی توقع
سپر ایٹ مرحلے میں روایتی حریفوں کے درمیان بڑے مقابلوں کی توقع کی جا رہی ہے، خصوصاً پاکستان بمقابلہ انگلینڈ اور بھارت بمقابلہ جنوبی افریقہ جیسے میچز شائقین کی توجہ کا مرکز ہوں گے۔
کرکٹ ماہرین کے مطابق سپر ایٹ مرحلہ دراصل ٹورنامنٹ کا اصل امتحان ہوتا ہے جہاں ہر میچ سیمی فائنل کی دوڑ میں فیصلہ کن کردار ادا کرتا ہے۔ شائقین کرکٹ کی نظریں اب ان دلچسپ معرکوں پر مرکوز ہیں جو آئندہ چند روز میں عالمی چیمپئن کا راستہ ہموار کریں گے۔
