پی ڈی ایم اے پنجاب کا ڈیرہ غازی خان اور راجن پور کے رود کوہیوں میں فلڈ بارے الرٹ جاری کردیا۔
پی ڈی ایم اے پنجاب کے مطابق ڈیرہ غازی خان اور راجن پور رودکوہیوں میں درمیانے درجے کے سیلاب کا خدشہ ہے۔ گیارہ جولائی رات 8 بجے سے 12 جولائی رات 3 بجے کے دوران رودکوہیوں میں سیلابی صورتحال بن سکتی ہے۔ترجمان پی ڈی ایم اے کا کہنا ہے کہ کمشنر ڈیرہ غازی خان کو ممکنہ صورتحال بارے الرٹ جاری کردیا ہےڈیرہ غازی خان اور راجن پور کے ڈپٹی کمشنرز کو الرٹ جاری کردیا ہےپی ڈی ایم اے کی ریسکیو 1122 کو تمام تر انتظامات پیشگی مکمل کرنے کی ہدایات کی ہےلوکل گورنمنٹ، محکمہ زراعت، محکمہ آبپاشی، محکمہ صحت، محکمہ جنگلات، لائیو اسٹاک اور محکمہ ٹرانسپورٹ کو الرٹ جاری کر دیا گیا ہے۔
ترجمان کا کہنا ہے کہ ڈی جی پی ڈی ایم اے عرفان کاٹھیا کی متعلقہ انتظامیہ کو الرٹ رہنے کی ہدایات کی ہے وزیر اعلیٰ پنجاب کی ہدایات کے پیش نظر تمام تر انتظامات پیشگی مکمل کریں ایمرجنسی کنٹرول رومز میں سٹاف کو الرٹ رکھا جائے۔ریسکیو 1122 کی ڈائزاسٹر رسپانس ٹیموں کو بھی ہائی الرٹ رکھا جائےریسکیو آپریشن کے لیے پٹرول و ڈیزل کا اسٹاک وافر مقدار میں ہونا چاہیے۔عوام الناس کو موجودہ صورتحال سے لمحہ بہ لمحہ آگاہ رکھا جائے۔دریاؤں کے پاٹ میں موجود مکانوں اور مویشیوں کے انخلاء کو یقینی بنائیں۔فلڈ ریلیف کیمپس میں خوراک، پینے کے صاف پانی و دیگر سہولیات کی فراہمی کو یقینی بنایا جائے عوام جاری کردہ احتیاطی تدابیر پر عمل کریں۔ہنگامی انخلاء کی صورت میں انتظامیہ سے تعاون کریں۔