پی ڈی ایم اے پنجاب کا دریائے جہلم میں منگلا کے مقام پر فلڈ بارے الرٹ جاری کردیا۔
ترجمان پی ڈی ایم اے کا کہنا ہے کہ دریائے جہلم میں منگلا کے مقام پر نچلے سے درمیانے درجے کے سیلاب کا خدشہ ہے۔اگلے 24 گھنٹوں میں دریائے جہلم میں منگلا کے مقام پر سیلابی صورتحال بن سکتی ہے۔کمشنر راولپنڈی، گجرانوالہ، فیصل آباد اور کمشنر سرگودھا کو ممکنہ صورتحال بارے الرٹ جاری ہےجہلم، راولپنڈی، اٹک، گجرات، سرگودھا، خوشاب، جھنگ، راولپنڈی، گجرانوالہ، ٹوبہ ٹیک سنگھ اور فیصل آباد کے ڈپٹی کمشنرز کو الرٹ جاری کردیا گیا ہےپی ڈی ایم اے کی ریسکیو 1122 کو تمام تر انتظامات پیشگی مکمل کرنے کی ہدایات کی گئی ہے لوکل گورنمنٹ، محکمہ زراعت، محکمہ آبپاشی، محکمہ صحت، محکمہ جنگلات، لائیو اسٹاک اور محکمہ ٹرانسپورٹ کو الرٹ جاری کر دیا گیا ہے۔ڈی جی پی ڈی ایم اے عرفان کاٹھیا نے متعلقہ انتظامیہ کو الرٹ رہنے کی ہدایات کی ہےوزیر اعلیٰ پنجاب کی ہدایات کے پیش نظر تمام تر انتظامات پیشگی مکمل کریں ایمرجنسی کنٹرول رومز میں سٹاف کو الرٹ رکھا جائے۔ ریسکیو 1122 کی ڈائزاسٹر رسپانس ٹیموں کو بھی ہائی الرٹ رکھا جائے۔ریسکیو آپریشن کے لیے پٹرول و ڈیزل کا اسٹاک وافر مقدار میں ہونا چاہیے۔عوام الناس کو موجودہ صورتحال سے لمحہ بہ لمحہ آگاہ رکھا جائے۔دریاؤں کے پاٹ میں موجود مکانوں اور مویشیوں کے انخلاء کو یقینی بنائیں۔فلڈ ریلیف کیمپس میں خوراک، پینے کے صاف پانی و دیگر سہولیات کی فراہمی کو یقینی بنایا جائے عوام جاری کردہ احتیاطی تدابیر پر عمل کریں۔ہنگامی انخلاء کی صورت میں انتظامیہ سے تعاون کریں حکومت پنجاب آپکا اور آپکے مال مویشیوں کا پوری طرح سے خیال رکھے گی۔
