پی ڈی ایم اے پنجاب/ الرٹ

پی ڈی ایم اے پنجاب نے یوم عاشورہ پر بارشوں کا الرٹ جاری کردیا ترجمان پی ڈی ایم اے کا کہنا ہے کہ 10 محرم الحرام کے دن پنجاب کے بیشتر اضلاع میں شدید بارشوں کی پیشگوئی ہے۔

ترجمان پی ڈی ایم اے کا کہنا ہے کہ راولپنڈی، گجرانوالہ، گجرات، لاہور، سیالکوٹ، سرگودھا اور فیصل آباد میں شدید بارشوں کی پیشگوئی ہے۔ڈی جی پی ڈی ایم اے عرفان علی کاٹھیا نے تمام اضلاع کو مؤثر اور بروقت اقدامات کی ہدایات کی ہیں وزیر اعلیٰ پنجاب مریم نواز کی ہدایات کے پیشِ نظر تمام متعلقہ محکمے الرٹ رہیں ڈی جی پی ڈی ایم اے کا کہنا ہے کہ موسمی صورتحال کے پیش نظر محرم الحرام کے جلوسوں کے لیے خصوصی انتظامات کو یقینی بنایا جائے۔ضلعی ایمرجنسی آپریشن سینٹرز (DEOCs) میں چوبیس گھنٹے عملے کی دستیابی کو یقینی بنایا جائے۔واسا اور تمام متعلقہ محکموں کے ساتھ قریبی رابطہ رکھا جائے تاکہ بروقت اور مربوط کارروائی یقینی بنائی جا سکے۔پانی کے بہاؤ کو یقینی بنانے کے لیے نکاسی آب کے راستوں سے تمام رکاوٹیں دور کی جائیں۔نشیبی علاقوں میں اضافی عملہ اور وسائل تعینات کیے جائیں۔ریسکیو 1122 کو الرٹ رکھا جائے اور ریسکیو و ریلیف ٹیموں (DRF) کو ضروری آلات سمیت پہلے سے متعین کیا جائے۔مون سون بارشوں کا دوسرا سلسلہ 10 جولائی تک جاری رہے گا ۔بارشوں سے پنجاب کے دریاؤں اور ندی نالوں میں پانی کی صورتحال میں نمایاں اضافہ ہوگاایمرجنسی کی صورتحال میں پی ڈی ایم اے پنجاب کی ہیلپ لائن 1129 پر کال کریں۔