پنجاب کے بیشتر شہروں میں آج بھی بادل برسیں گے، ترجمان پی ڈی ایم اے

ترجمان پی ڈی ایم اے کا کہنا ہے کہ پنجاب کے بیشتر شہروں میں آج بھی بادل برسیں گےلاہور سمیت دریاؤں کے بالائی علاقوں میں موسلا دھار بارشوں کے امکانات ہیں۔گزشتہ 24 گھنٹوں میں راولپنڈی 54 ملی میٹر مری 42 اور نارووال میں 62 ملی میٹر بارش ریکارڈ کی گئی ۔

ترجمان کا کہنا ہے کہ جہلم سیالکوٹ منگلا اٹک گجرات اور رحیم یار خان میں بھی بارشیں ریکارڈ کی گئی پی ڈی ایم اے کے صوبائی کنٹرول روم سمیت ڈسٹرکٹ ایمرجنسی آپریشن سنٹرز کو الرٹ کر دیا گیا۔راولپنڈی، فیصل آباد ،گوجرانوالہ سرگودھا،ملتان،ساہیوال ،بہاولپور،جہلم، اٹک، چکوال، مری، گلیات، میانوالی، نارووال، ، گجرات، سیالکوٹ، ٹوبہ ٹیک سنگھ، منڈی بہاؤالدین، اور ڈی جی خان میں تیز بارشیں متوقع ہیں۔مون سون بارشوں کا چوتھا سلسلہ 25 جولائی تک جاری رہے گا ۔موسلا دھار بارش سے نشیبی علاقوں کے ندی نالوں میں طغیانی کا خطرہ ہے ۔انھوں نے کہا کہ طوفانی بارش سے مری کے پہاڑی علاقوں میں لینڈ سلائیڈنگ کا خطرہ ہے۔سیاح اور مسافر پیشگوئی کی مدت کے دوران انتہائی محتاط رہیں۔تیز بارش اور آندھی مخدوش و کچے مکانات کو نقصان پہنچا سکتی ہے۔شہری موسم برسات میں احتیاطی تدابیر اختیار کریں اور محفوظ مقامات پر رہیں ڈی جی پی ڈی ایم اے عرفان علی کاٹھیا کی متعلقہ اضلاع کو عملہ اور مشینری ہائی الرٹ رکھنے کی ہدایت کی ہے ڈی جی پی ڈی ایم اے کا کہنا ہے کہ واسا ، میونسپل ادارے نشیبی علاقوں میں پانی ہرگز کھڑا نہ ہونے دیں۔بارش کے دوران متعلقہ افسران فیلڈ میں موجود رہیں سرگرمیوں کی نگرانی کریں۔شہری ہنگامی صورتحال میں پی ڈی ایم اے کی ہیلپ لائن 1129 پر کال کریں۔