اقوام متحدہ کی سلامتی کونسل کے ہنگامی اجلاس میں چین نے غزہ پر اسلامی قبضے کے منصوبے کی مخالفت کر دی۔
سلامتی کونسل کے اجلاس میں اقوام متحدہ عہدیداروں، برطانوی، فرانسسیسی اور دیگر ممالک نے غزہ پر اسرائیلی قبضے کو مزید خون ریزی، تباہی اور انسانی المیے کا موجب قرار دیا۔
چینی مندوب نے سلامتی کونسل سے خطاب کرتے ہوئے کہا ہے کہ چین غزہ پر اسرائیلی قبضے کی کسی بھی کوشش کی سختی سے مخالفت کرتا ہے، غزہ فلسطینیوں کا ہے اور غزہ فلسطینی علاقے کا اٹوٹ حصہ ہے۔
چینی مندوب نے مزید کہا کہ غزہ کی جغرافیائی اور علاقائی حیثیت بدلنے کے کسی بھی اقدام کو مسترد کرتے ہیں، غزہ کے لوگوں کی جانوں کا تحفظ اور یرغمالیوں کی رہائی کے لیے فوری جنگ بندی ہی واحد راستہ ہے۔
دوسری جانب پاکستانی مندوب عاصم افتخار نے کہا کہ اسرائیل کاغزہ پر قبضے کا منصوبہ اشتعال انگیزی ہے، وزیراعظم نے اسرائیلی منصوبے کی مذمت کی ہے، غزہ میں جاری اسرائیلی مظالم فوری ختم ہونے چاہئیں، غزہ میں نسل کشی روکنے کے لیے بین الاقوامی برادری کو مشترکہ کوششیں کرنی چاہئیں۔
اس کے علاوہ اقوام متحدہ میں امریکی مندوب نے سلامتی کونسل کے اجلاس کو غزہ میں امن کی امریکی کوششوں کو سبوتاژ کرنے کا اقدام قرار دیا۔
