پنجاب کے دریا / صورتحال

ترجمان پی ڈی ایم اے کا کہنا ہے کہ مون سون بارشوں کے باعث پنجاب کے دریاؤں میں پانی کے بہاؤ میں مسلسل اضافہ ہو رہا ہے۔

ترجمان پی ڈی ایم اے کا کہنا ہے کہ دریائے سندھ میں تربیلا کالا باغ چشمہ اور تونسہ کے مقام پر درمیانے درجے کے سیلاب کی صورتحال ہے۔تربیلا کے مقام پر پانی کا بہاؤ 3 لاکھ 30 ہزار کالاباغ 4 لاکھ 32 ہزار چشمہ 4 لاکھ 80 ہزار اور تونسہ کے مقام پر 4 لاکھ 54 ہزار کیوسک ہے۔دریائے ستلج میں گنڈا سنگھ والا اور سلیمانکی کے مقام پر نچلے درجے کا سیلاب ہے ۔گنڈا سنگھ کے مقام پر پانی کا بہاؤ 65 ہزار اور سلیمانکی کے مقام پر 69 ہزار کیوسک ہے ۔ترجمان کا کہنا ہے کہ دریائے راوی میں جسڑ کے مقام پر نچلے درجے کا سیلاب اور پانی کا بہاؤ 54 ہزار کیوسک ہے نالہ پلکھو میں درمیانے درجے کے سیلاب کی صورتحال ہے۔نالہ ایک بئیں اور بسنتر میں نچلے درجے کی سیلابی صورتحال ہے۔بالائی علاقوں میں بارشوں کے سبب دریاؤں کے بہاؤ میں مزید اضافے کا خدشہ ہے دریاؤں کے پاٹ میں موجود شہری فوری محفوظ مقامات پر منتقل ہو جائیں ۔حکومت پنجاب کی جانب سے سیلاب سے متاثرہ علاقوں میں فلڈ ریلیف کیمپس قائم کر دئیے گئے ہیں فلڈ ریلیف کیمپس میں تمام تر بنیادی سہولیات اور ادویات فراہم کی جائیں گی شہریوں سے گزارش ہے کہ موسم و سیلاب کی صورتحال کے پیش نظر احتیاطی تدابیر اختیار کریں دریاؤں نہروں اور ندی نالوں کے اطراف سیرو تفریح سے گریز کریں دریاؤں کی کراسنگ کیلئے معیاری بوٹس اور لائف جیکٹس کی فراہمی یقینی بنائی جائے بچوں کا خاص خیال رکھیں انہیں دریاؤں ندی نالوں میں ہرگز نہانے مت دیں۔