پی ڈی ایم اے / الرٹ

ترجمان پی ڈی ایم اے پنجاب کے مطابق آئندہ 24 گھنٹوں میں پنجاب کے بیشتر اضلاع میں شدید طوفانی بارشوں کی پیشگوئی ہے۔

گزشتہ 24 گھنٹوں میں پنجاب کے بیشتر اضلاع میں مون سون بارشیں ریکارڈ کی گئی۔منگلا 72، جہلم 40، مری 08، ملتان 4، بہاولپور 3، لاہور اور شیخوپورہ 2، منڈی بہاوالدین اور نارووال میں 1 ملی میٹر تک بارش ریکارڈ کی گئی۔سیالکوٹ، سرگودھا، ٹوبہ ٹیک سنگھ، لیہ، ساہیوال، فیصل آباد اور اوکاڑہ میں بھی بارشوں ریکارڈ کی گئی ہے ۔مون سون بارشوں کا 10واں اسپیل 9 ستمبر تک جاری رہے گا۔راولپنڈی مری گلیات اٹک چکوال جہلم، گوجرانولہ، لاہور، گجرات اور سیالکوٹ میں بارشیں متوقع نارووال، حافظ آباد، منڈی بہاوالدین، اوکاڑہ، ساہیوال، قصور، جھنگ، سرگودھا، اور میانوالی میں بارشوں کا امکان ہے۔ڈیرہ غازی خان، ملتان اور راجن پور میں بھی بارشوں کا امکان ہے 9 ستمبر تک ڈیرہ غازی خان رودکوہیوں میں فلیش فلڈنگ کا خدشہ ہے۔پی ڈی ایم اے پنجاب نے صوبہ بھر کے کمشنرز اور ڈپٹی کمشنرز کو الرٹ رہنے کی ہدایات جاری کی ہیں دریائے چناب راوی اور ستلج میں سیلابی صورتحال کا سامنا ہے۔بڑے شہروں میں مون سون بارشوں کے باعث ندی نالے بپھر سکتے ہیں کمشنر ز ڈپٹی کمشنرز اور دیگر افسران الرٹ ہیں۔محکمہ صحت آبپاشی تعمیر و مواصلات لوکل گورنمنٹ اور لایئو سٹاک کو الرٹ جاری ہے شہریوں سے التماس ہے کہ خراب موسم کی صورتحال میں احتیاطی تدابیر اختیار کر یں۔دریاؤں کے اطراف اکٹھے ہونے اور سیرو تفریح سے گریز کریں۔آندھی و طوفان کی صورتحال میں محفوظ مقامات پر رہیں ایمرجنسی صورتحال میں پی ڈی ایم اے ہیلپ لائن 1129 پر رابطہ کریں۔