بھارتی کپتان سوریا کمار یادیو کو ایشین کرکٹ کونسل کے صدر محسن نقوی سے ہاتھ ملانا مہنگا پڑ گیا۔
ایشیا کپ کی ٹرافی کی رونمائی کے موقع پر سوریا کمار یادیو نے صدر اے سی سی محسن نقوی سے ہاتھ ملایا تھا جس کے بعد بھارتی کپتان سخت تنقید کی ضد میں آگئے ہیں۔
بھارتی میڈیا نے محسن نقوی سے سوریا کمار یادیو کے ہاتھ ملانے کی شہ سرخیاں لگائیں تو دوسری جانب سوشل میڈیا صارفین بھی بھارتی کپتان کوکڑی تنقید کا نشانہ بنا رہے ہیں۔
سوشل میڈیا پر ایک صارف نے لکھا کہ بھارتی کپتان کا پاکستان کے وزیر داخلہ سے ہاتھ ملانا بے شرمی کی انتہا ہے۔
ایک اور صارف نے لکھا کہ بھارتی کپتان محسن نقوی سے ہاتھ ملا رہے ہیں جنہوں نے آپریشن سندور کے بعد بھارت کو دھمکی دی تھی۔
اس کے ساتھ ہی صارف نے مزید لکھا کہ پتا نہیں یہ لوگ شیشے میں اپنے چہرے کیسے دیکھتے ہیں۔
اس کے علاوہ دیگر بھارتی صارفین کی جانب سے بھی سوریا کمار یادیو کو تنقید کا نشانہ بنایا جارہا ہے۔
