72K
لاہور کی انسداد دہشت گردی عدالت نے پانچ اکتوبر کو پولیس پر مبینہ تشدد اور جلاؤ گھیراؤ کے کیس میں علیمہ خان اور عظمی خان کی عبوری ضمانت میں 17 اکتوبر تک توسیع کردی۔
اے ٹی سی جج منظر علی گل نے عبوری ضمانت کی درخواستوں پر سماعت کی۔ پروسیکیوشن کی جانب سے مقدمے کا ریکارڈ عدالت میں پیش نہ کیا گیا جبکہ بانی پی ٹی ائی کی ہمشیرہ علیمہ خان اور عظمی خان بھی عدالت کے روبرو پیش نہیں ہوئیں۔ حاضری معافی کی درخواست میں موقف اختیار کیا گیا کہ علیمہ خان اور عظمیٰ خانم اسلام آباد میں ہیں۔ بانی پی ٹی آئی سے ملاقات اور کیس کی سماعت کے لیے اسلام آباد گئی ہوئی ہیں۔ عدالت نے حاضری معافی کی درخواست منظور کر لی اور پروسیکیوشن سے مقدمے کا ریکارڈ طلب کرتے ہوئے کیس کی سماعت 17 اکتوبر تک ملتوی کر دی۔
