وزیر اعلیٰ مریم نواز شریف رحیم یار خان کے سیلاب متاثرہ علاقے گل محمد لنگاہ پہنچ گئیں وزیر اعلیٰ مریم نواز شریف نے گل محمد لنگاہ سکول میں فلڈ کیمپ کا دورہ کیا۔
وزیر اعلیٰ مریم نواز شریف نے سیلاب کے دوران جاں بحق افراد کے اہل خانہ سے ملاقات کی ۔وزیراعلیٰ مریم نواز کو غمزدہ ماں نے روتے ہوئے بتایا کہ ”میرا بیٹا کزن کو بچاتے ہوئے ڈوب گیا“۔وزیر اعلیٰ مریم نواز شریف نے روتی ہوئی،سسکیاں لیتی بزرگ خاتون کوتسلی دی۔وزیراعلیٰ مریم نوازشریف نے سیلاب میں پورے خاندان کو کھو دینے والے بچے کو پیار کیا، سر پر ہاتھ پھیرکر شفقت کا اظہار کےا ۔وزیراعلیٰ مریم نوازشریف یتیم بچے کے سامنے دوزانو بیٹھ گئیں اور محبت سے گال سہلاتی رہیں ۔وزیراعلیٰ مریم نوازشریف نے چچا کو یتیم بچے کا خیال رکھنے کی خصوصی تلقین کی۔ وزیراعلیٰ مریم نوازشریف نے جاں بحق ہونے والے افراد کے ورثاءکو امدادی رقوم کے چیک بھی پیش کیے۔وزیر اعلیٰ مریم نواز شریف نے کہاکہ مرنے والے کے نقصان کا ازالہ نہیں کرسکتے مگرآپ کے دکھ میں پوری طرح شریک ہیں۔وزیراعلیٰ مریم نوازشریف نے سیلاب متاثرہ بچوں کے لئے قائم عارضی کلاس روم کا بھی دورہ کیا ۔وزیراعلیٰ مریم نوازشریف کوبچوں نے سٹیکر،ویلکم کارڈ اورہاتھ سے بنائے پورٹل پیش کیے۔وزیراعلیٰ مریم نوازشریف نے معصوم بچوں کے تحائف دیکھ کرمسرت کا اظہار کیا ۔وزیراعلیٰ مریم نوازشریف نے بچوں کو سویٹس،تحائف پیش کیے،دل لگا کر پڑھنے کی تلقین کی ۔وزیراعلیٰ مریم نوازشریف نے فلڈر یلیف کیمپ کے ٹینٹ سٹی میں مقیم متاثرہ خاندانوں سے بھی فرداً فرداً ملاقات کی۔وزیراعلیٰ مریم نوازشریف نے مرد،خواتین اوربچوں کو تحائف اورپھل پیش کیے۔وزیراعلیٰ مریم نوازشریف نے متاثرہ خاندانوں کو دلاسہ دےااورنقصان پورا کرنے کی یقین دہانی کرائی۔بزرگ خاتون نے وزیراعلیٰ مریم نوازشریف سے اظہار تشکرکرتے ہوئے کہا کہ”چاول،بھاجی،ہر چیز ڈھی دی پئی اے“۔وزیراعلیٰ مریم نوازشریف کو دیکھ کر فلڈ ریلیف کیمپ اورہیلی پیڈ کے گرد ہزاروں کا مجمع امڈ آیا۔عوام نے وزیراعلیٰ مریم نوازشریف کی آمد پر پرجوش نعرے لگائے اورخوشی کا اظہارکےا ۔وزیراعلیٰ مریم نوازشریف نے سرائیکی میں گفتگوکرتے ہوئے کہا کہ”فکر نہ کرو،سب ٹھیک تھی وے سی“ ۔”اللہ خیر کرسی،نقصان پوراکر ساں”۔وزےراعلیٰ مریم نوازشریف نے کہا کہ پانی اتر جائے گاتوتخمینہ لگاکر نقصان پورا کریں گے۔ سیلاب متاثرین نے مجھے ماں،بیٹی اوربہن کہا ہے،خیال رکھنا میرا فرض ہے۔ سیلاب متاثرین کاجو بھی نقصان ہوا پورا کریں گے۔سیلاب سے جن کاگھر گر گیا ان کو گھر بنا کردیں گے۔انہوںنے کہاکہ سیلاب میں جن کے جانور بہہ گئے ان کا بھی ازالہ کریں گے۔ سیلاب متاثرین تسلی رکھیں اکیلا نہیں چھوڑیں گے۔وزیر اعلیٰ مریم نواز شریف کو ڈی سی اور ڈی جی پی ڈی ایم اے نے بریفنگ دی۔
