لاہور: وزیراعلیٰ پنجاب مریم نواز شریف کی زیرصدارت صوبے کے مختلف ترقیاتی اور عوامی فلاحی منصوبوں سے متعلق چار گھنٹے طویل جائزہ اجلاس منعقد ہوا، جس میں آٹھ بڑے محکموں نے اپنی کارکردگی پر تفصیلی بریفنگ دی۔
عوامی سہولت کے بڑے فیصلے
وزیراعلیٰ مریم نواز شریف نے دور دراز علاقوں کے عوام کو پینے کے صاف پانی کی فراہمی کے لیے بڑا فیصلہ کرتے ہوئے کہا کہ اب شہریوں کو گھر گھر بوتل بند پانی فراہم کیا جائے گا تاکہ انہیں پانی لانے کی مشقت سے نجات مل سکے۔
سیلاب متاثرہ علاقوں میں ہیلتھ ڈیپارٹمنٹ کی شاندار کارکردگی
وزیراعلیٰ نے سیلاب زدہ علاقوں میں محکمہ صحت کی کارکردگی پر شاباش دی۔
• سیلاب کے دوران ساڑھے 11 لاکھ افراد کا علاج کیا گیا۔
• سانپ کے کاٹے کے 174 کیسز رپورٹ ہوئے، تمام متاثرین کو بروقت ویکسین لگا کر زندگیاں بچائی گئیں۔
• وزیراعلیٰ نے بروقت اقدامات پر اظہارِ تشکر کیا۔
صحت اور تعلیم کے شعبے میں پیش رفت
• پنجاب نے سروائیکل کینسر ویکسی نیشن میں ملک بھر میں سبقت حاصل کر لی۔
• 65 لاکھ بچیوں کی ویکسی نیشن مکمل ہونے پر وزیراعلیٰ نے اطمینان کا اظہار کیا۔
• کیتھ لیب پراجیکٹ کی جلد تکمیل کی ہدایت۔
• کمیونٹی ہیلتھ انسپکٹرز نے پائلٹ پراجیکٹ کے تحت 32 ہزار گھروں کا ڈیٹا جمع کیا۔
خصوصی افراد کے لیے اقدامات
وزیراعلیٰ نے ہدایت کی کہ خصوصی افراد تک حکومتی مدد گھروں تک پہنچائی جائے۔
• تمام محکموں کو باہمی اشتراک سے ڈیٹا کلیکشن مکمل کرنے کا حکم۔
• سپیشل ایجوکیشن ڈیپارٹمنٹ کو خصوصی افراد کی فلاح و بہبود کے منصوبے تیار کرنے کی ہدایت۔
ٹرانسپورٹ اور شہری ترقی کے منصوبے
• وزیراعلیٰ نے دسمبر تک پنجاب میں 1115 الیکٹرو بسیں فنکشنل کرنے کا حکم دیا۔
• الیکٹرو بس اسٹاپس کے یونیفارم ڈیزائن کی منظوری۔
• مختلف اضلاع میں الیکٹرو بس پروگرام کے لانچنگ شیڈول کی منظوری۔
• ایس آر ٹی پراجیکٹ کے جلد آغاز کی ہدایت۔
شہری سہولیات اور واسا پراجیکٹس
• چند ماہ میں 19 شہروں میں واسا کا قیام مکمل، جب کہ پہلے صرف 5 شہروں میں کام جاری تھا۔
• 31 دسمبر تک 25 اضلاع میں واسا کے قیام کا ہدف مقرر۔
• صوبے بھر میں 5000 سے زائد واٹر فلٹریشن پلانٹس فعال۔
• وزیراعلیٰ نے وزیر ہاؤسنگ بلال یاسین کو فلٹریشن پلانٹس کے میدانی دورے کی ہدایت دی۔
لاہور ڈویلپمنٹ پراجیکٹ
• لاہور ڈویلپمنٹ پراجیکٹ کا پہلا فیز 30 نومبر تک مکمل کیا جائے گا۔
• اب تک 4624 گلیوں کی تعمیر و بحالی مکمل ہو چکی ہے۔
• نئی گلیوں کو نقصان پہنچانے والوں کے خلاف سخت کارروائی کا فیصلہ۔
ماحول اور شجرکاری
• پی ایچ اے لاہور کے اقدامات پر وزیراعلیٰ نے اطمینان کا اظہار کیا۔
• بانس کے جنگل لگانے اور دیگر شہروں میں پی ایچ اے کو مزید فعال کرنے کی ہدایت۔
• پی ایچ اے لاہور نے چند ماہ میں 27 ہزار پودے گھروں تک پہنچا کر لگائے۔
مثالی گاؤں پراجیکٹ
• 472 دیہات میں مثالی گاؤں پراجیکٹ اکتوبر میں شروع کیا جائے گا۔
• پہلے فیز میں جنوبی پنجاب کے ملتان، بہاولپور اور ڈی جی خان کے دیہات شامل۔
• منصوبے میں پارکس، پکی گلیاں، کور ڈرین، قبرستان کی چار دیواری اور جوہڑوں کی صفائی شامل ہوگی۔
قدرتی وسائل اور معدنی ترقی
• پلیسر گولڈ پراجیکٹ سرکاری سطح پر شروع کرنے کا فیصلہ۔
• وزیراعلیٰ نے کہا: “اس پراجیکٹ سے حاصل منافع پنجاب کے عوام کو ملنا چاہیے۔”
• 11 ہزار کان کنوں کو راشن کارڈ جاری، 25 ہزار کا ہدف اسی ماہ مکمل ہوگا۔
• پنک سالٹ کے نئے آکشن سے ریونیو میں پانچ گنا اضافہ۔
• امریکہ، یورپ اور متحدہ عرب امارات میں پنک سالٹ کی مارکیٹنگ کا فیصلہ۔
• چنیوٹ آئرن اور کاپر منصوبے کی ابتدائی اسٹڈی مکمل، اگلے چار ماہ میں ٹیسٹ فیز شروع کیا جائے گا۔
• میانوالی میں غیر قانونی سونے کی کان کنی پر چھاپے، دفعہ 144 نافذ کر دی گئی۔
وزیراعلیٰ مریم نواز شریف نے اجلاس کے اختتام پر کہا کہ:
“دفاتر میں فائلوں پر سب کچھ اچھا لگتا ہے، لیکن فیلڈ میں جا کر حقائق کا اندازہ ہوتا ہے۔ عوامی سہولت، شفافیت اور عملدرآمد ہی حقیقی کامیابی ہے۔
