74.6K
ریاض: ڈبلیو ٹی اے ٹینس فائنل میں قازقستان کی ایلینا ریباکینا نے عالمی نمبر ایک ارینا سبالنکا کو شاندار کھیل کا مظاہرہ کرتے ہوئے شکست دے دی۔ فائنل میں ریباکینا نے 3-6، 6-7 سے ارینا سبالنکا کو ہرایا۔
اس فتح کے ساتھ ریباکینا نے ویمن ٹینس کی تاریخ میں سب سے زیادہ انعامی رقم 3.98 ملین پاؤنڈز جیتنے کا اعزاز حاصل کر لیا، جب کہ اس سے قبل سبالنکا کو یو ایس اوپن جیتنے پر 3.74 ملین پاؤنڈز ملے تھے۔
ایلینا ریباکینا نے کہا کہ یہ ان کے لیے شاندار ہفتہ رہا، لیکن انہیں اس نتیجے کی توقع نہیں تھی۔ اپ سیٹ شکست کے بعد ارینا سبالنکا نے بھی ایلینا کی کارکردگی کو سراہتے ہوئے کہا، “ایلینا ایک اچھی پلیئر ہے، اس نے مجھے آؤٹ کلاس کیا۔”