ٹک ٹاک نے ایک نیا فیچر بلیٹن بورڈ متعارف کرایا ہے جس کا مقصد برانڈز اور کریٹیرز کو اپنے فالوورز کے ساتھ ایک جگہ پر مواد شیئر کرنے کی سہولت فراہم کرنا ہے۔ یہ فیچر بنیادی طور پر انسٹاگرام کے براڈکاسٹ چینلز کے مشابہ ہے۔
بلیٹن بورڈز پر صرف کریٹیرز پوسٹس کر سکیں گے، جبکہ فالوورز صرف ایموجیز کے ذریعے ری ایکشن دے سکتے ہیں۔ کریٹیرز یہاں ٹیکسٹ، امیجز اور ویڈیوز شیئر کر سکیں گے۔
یہ فیچر ان صارفین کے لیے دستیاب ہوگا جو 18 سال یا اس سے زائد عمر کے ہوں اور جن کے فالوورز کی تعداد کم از کم 50 ہزار ہو۔ اس کا مقصد کریٹیرز اور کمپنیوں کے لیے اپنے فالوورز کے ساتھ نیوز اور اپ ڈیٹس شیئر کرنا آسان بنانا اور خصوصی مواد پیش کرنا ہے۔
صارفین اپنے مواد کو اسٹوری یا معمول کی ٹک ٹاک پوسٹ کے بجائے بلیٹن بورڈ پر شیئر کر سکیں گے، جو صرف ان کے فالوورز تک محدود ہوگا۔
ٹک ٹاک کے مطابق یہ فیچر جون 2025 سے آزمائش میں تھا اور اب اسے باضابطہ متعارف کرایا گیا ہے۔ کمپنی نے واضح کیا کہ بلیٹن بورڈ پر تمام مواد کو کمیونٹی گائیڈلائنز کے اصولوں کے مطابق شیئر کرنا ہوگا۔ کریٹیرز اپنے ان باکس سے بلیٹن بورڈ قائم کر سکتے ہیں۔
