امریکی ہوم لینڈ سیکیورٹی نے مجرمانہ سرگرمیوں میں ملوث افغان شہریوں کی فہرست جاری کر دی

واشنگٹن: امریکی ہوم لینڈ سیکیورٹی نے چند افغان شہریوں کی فہرست جاری کی ہے جو مختلف سنگین جرائم میں ملوث پائے گئے ہیں۔ فہرست میں بتایا گیا ہے کہ بائیڈن انتظامیہ کے دور میں امریکا آنے والے کچھ افغان شہریوں نے پولیس پر فائرنگ، جنسی تشدد اور دہشتگرد سرگرمیوں میں حصہ لیا۔

ہوم لینڈ سیکیورٹی کے مطابق ایسے افراد جو پہلے دہشتگردی کی نگرانی کی فہرست میں تھے، انہیں امریکا میں رہنے دیا گیا، تاہم بعد میں بعض کو پرتشدد جرائم میں ملوث پایا گیا۔ ایسے افراد جو عوامی تحفظ کے لیے خطرہ ہیں، انہیں ملک سے نکال دیا جائے گا۔

فہرست میں شامل چند اہم کیسز درج ذیل ہیں:
• جمال ولی: ورجینیا میں 2 پولیس افسران پر فائرنگ کی، جوابی کارروائی میں مارا گیا۔
• عبداللہ حاجی زادہ اور ناصر احمد توحیدی: اوکلاہوما میں دہشتگردی کی منصوبہ بندی کرتے ہوئے گرفتار، 2024 کے الیکشن ڈے پر سیکڑوں گولیاں برآمد ہوئیں، دونوں نے داعش سے وفاداری کا اعلان کیا تھا۔
• جاوید احمدی: 2025 میں سیکنڈ ڈگری اٹیک کا مجرم قرار پایا۔
• بہاراللہ نوری: وسکونسن میں بچے سے جنسی زیادتی کے الزام میں گرفتار۔
• ذبیح اللہ مہمند: مونٹانا میں جنسی زیادتی کے الزام میں گرفتار۔

ہوم لینڈ سیکیورٹی کا کہنا ہے کہ یہ فہرست ان چند مجرم افغان شہریوں کی ہے جن کی بائیڈن انتظامیہ نے مکمل جانچ پڑتال کے بعد جاری کی ہے، اور امریکا میں عوامی تحفظ کو یقینی بنانے کے لیے مزید اقدامات کیے جائیں گے.