اگر آپ گوگل کروم استعمال کرتے ہیں تو اب ایک نیا اسپلٹ ویو فیچر دستیاب ہے جو متعدد ویب سائٹس اوپن کرنے والے صارفین کے لیے خاص طور پر مفید ثابت ہوگا۔
یہ فیچر صارفین کو اجازت دیتا ہے کہ وہ کسی لنک کو نئی ٹیب میں کھولنے کے بجائے براہ راست اسپلٹ موڈ میں اوپن کریں۔ اس کے نتیجے میں دو براؤزنگ ٹیبز سائیڈ بائی سائیڈ اوپن ہو جائیں گے، اور ٹیبز کی تعداد زیادہ نہیں ہوگی۔
فیچر استعمال کرنے کا طریقہ آسان ہے:
1. کسی لنک پر رائٹ کلک کریں۔
2. “اوپن نیو ٹیب” کے نیچے موجود اسپلٹ ویو آپشن منتخب کریں۔
صارفین دو ٹیبز کی پوزیشن دائیں یا بائیں منتقل کر سکتے ہیں، یا کسی ایک ٹیب کو بڑا اور دوسرے کو چھوٹا بنا سکتے ہیں۔ اسپلٹ ویو ختم کرنے کے لیے بھی آسان طریقہ ہے: کسی ٹیب پر رائٹ کلک کریں اور دائیں یا بائیں جانب کے ویو کو بند کریں۔
گوگل کے مطابق یہ فیچر ورک سٹیشن یا اسٹڈی سیشن کے دوران خاص مددگار ثابت ہوگا، جیسے کہ ایک طرف ڈاکومنٹ کھلا ہو اور دوسری جانب ویڈیو کال میں مصروف ہوں، جس سے نوٹس لکھنا اور معلومات کو منظم کرنا آسان ہو جائے گا۔
یہ فیچر اب تقریباً تمام کروم صارفین کے لیے دستیاب ہے اور ایک ہی وقت میں زیادہ مؤثر انداز میں براؤزنگ کرنے کی سہولت فراہم کرتا ہے
