مدینہ منورہ میں مسجد نبوی ﷺ میں روضہ رسول ﷺ کی زیارت اور ریاض الجنہ میں نوافل کی ادائیگی کے لیے نئے اوقات مقرر کردیئے گئے ہیں۔ ادارہ امورِ حرمین شریفین نے مرد و خواتین کے لیے زیارت کے اوقات کار میں تبدیلی کا اعلان کیا ہے۔
مردوں کے لیے نئے اوقات کار
ادارہ کے مطابق مرد زائرین کے لیے زیارت کا وقت روزانہ:
• شب 2 بجے سے نمازِ فجر تک
• دن 11 بجے سے نمازِ عشاء تک
جبکہ نمازِ جمعہ کے بعد سے عشاء تک مرد زائرین زیارت کرسکیں گے۔
خواتین کے لیے نئے اوقات کار
خواتین زائرین زیارت کے لیے درج ذیل اوقات میں حاضر ہوسکیں گی:
• نماز فجر کے بعد سے دن 11 بجے تک
• نمازِ عشاء کے بعد سے رات 2 بجے تک
جمعہ کے روز خواتین فجر کے بعد سے صبح 9 بجے تک زیارت کرسکیں گی۔
ادارہ امورِ حرمین نے بتایا کہ نئے اوقات تمام زائرین کی آسانی، رش میں کمی اور بہتر انتظامات کو مدنظر رکھتے ہوئے مقرر کیے گئے ہیں.
