مریم نواز نے صوبے بھر میں نئے سہولت بازار قائم کرنے کی منظوری دے دی

وزیراعلیٰ پنجاب مریم نواز نے صوبے بھر میں نئے سہولت بازار قائم کرنے کی منظوری دے دی وزیراعلیٰ نے 13نئے سہولت بازاروں کے زیر تکمیل پراجیکٹ جلد مکمل کرنے کا بھی حکم دیا ہے۔

13نئے سہولت بازاروں کے زیر تکمیل پراجیکٹس کے لئے اگست کی ڈیڈ لائن مقرر کی گئی ہے وزیراعلیٰ مریم نواز کی ہدایت پرنوشہر ورکاں،بورے والا،کبیروالا، سانگلہ  اور جلال پور میں سہولت بازار بنیں گے بہاولپور، اٹک اور مری میں اضافی سہولت بازار قائم کرنے کا اصولی فیصلہ
کیا گیا ہے وزیراعلیٰ مریم نواز نے ضلعی انتظامیہ کو سہولت بازاروں کیلئے اراضی مختص کرنے کی ہدایت کی ہے وزیراعلیٰ مریم نوازشریف کا سہولت بازار کے قیام کا جامع پلان طلب کرتے ہوئے سہولت بازاروں کو سولر انرجی پر منتقل کرنے کی منظوری دے دی سولر انرجی پر منتقل کرنے سے سہولت بازاروں میں بجلی کی لاگت میں 70فیصد تک کمی آئے گی بجلی کی لاگت میں کمی کا فائدہ نرخ میں کمی کرکے عوام تک پہنچایا جائے گا
وزیراعلیٰ کی ہدایت پر ٹاؤن شپ میں سولر انرجی پر منتقلی کا پائلٹ پراجیکٹ کامیابی سے ہمکنار ہوگیا جبکہ سہولت بازاروں کی شمسی توانائی پر منتقلی کے لئے 69کروڑ سے زائد فنڈز کی بھی منظوری دے دی جہلم، مظفر گڑھ اور نارووال میں سہولت بازار کے قیام میں درپیش رکاوٹیں دور کرنے کی ہدایت دی گئی ہیں اور رحیم یار خان، بہاولنگر، اٹک اور مری میں سہولت بازار کے لئے اراضی کی نشاندہی کا عمل جلد مکمل کرنے کا حکم دیا گیا ہے۔ مریم نواز کا کہنا ہے کہ سہولت بازار قائم کرنے کا مقصدکمزور اور متوسط طبقے کواشیائے خوردنوش کم نرخ پرفراہم کرنا ہے۔نوازشریف کے ویژن کے تحت مہنگائی کا خاتمہ کیا جارہا ہے۔