وزیراعلیٰ کی ہدایت پر محکمہ داخلہ میں ڈائریکٹوریٹ آف مانیٹرنگ سیل قائم

وزیراعلیٰ مریم نواز کی ہدایت پر محکمہ داخلہ میں ڈائریکٹوریٹ آف مانیٹرنگ سیل قائم کر دیا گیا۔
محکمہ جیل، سول ڈیفنس سے متعلق شکایات کے ازالہ جبکہ ہائی وے پٹرول ،سیکورٹی کمپنیز سے متعلق شکایت کیلئے ہیلپ لائن1124 قائم  کی گئی ہے۔
عوام محکمہ جیل، شہری دفاع، سکیورٹی کمپنی سے متعلق رہنمائی کیلئے 1124 پر کا ل کریں۔کسی جگہ پر بم یا مشکوک اشیاء نظر آنے پر ہیلپ لائن 1124 پر اطلاع کی سہولت فراہم کی گئی۔
بڑی شاہراوں پر دوران سفر مدد کیلئے پنجاب ہائی وے پٹرول سے رابطہ کا سسٹم قائم،مسافر گاڑی کی خرابی، ڈکیتی یا ہنگامی صورت میں مدد کیلئے 1124 کال کر سکتے ہیں۔
پبلک ٹرانسپورٹ پر اوورلوڈنگ ،غیر محتاط ڈرائیونگ،کسی بھی شاہراہ پر دوران سفر مسافر طبی امداد کیلئے بھی ہیلپ لائن پر کال کر سکتے ہیں۔
ہیلپ لائن پر کال کی صورت میں پٹرولنگ سٹاف کے نامناسب رویہ کا بھی ازالہ کیا جائیگا۔1124پر قیدیوں سے ملاقات یا ضروری سامان کی فراہمی میں دشواری کی شکایت کا اندراج ممکن ہو گا۔
جیل عملہ کے نامناسب رویے ،رشوت طلب کرنے پربھی 1124 پر شکایت کی جا سکتی ہے۔
سکیورٹی گارڈز یا سکیورٹی کمپنیز سے متعلق ہیلپ لائن پر شکایات کا ازالہ فوری ممکن بنانے،گارڈ کومقررہ اجرت سے کم تنخواہ ملنے کی شکایت پر کمپنی کیخلاف بھی کارروائی ہوگی۔
ایل پی جی گیس کی غیر قانونی فروخت یا منتقلی پر بھی شکایت کا ازالہ ہوگا۔ملٹی سٹوریج بلڈنگ میں ایمرجنسی اخراج کا نظام نہ ہونے پر بھی کارروائی ہوگی۔
وزیراعلیٰ پنجاب مریم نواز کا کہنا ہے کہ شہریوں کے لئے آسانیاں پیدا کرنا ہمارا عزم ہے،عوامی شکایات کے ازالے میں کوتاہی برادشت نہیں کی جائے گی۔